وتىرىسقا قاتىسقان نۇر-سۇلتان قالاسىنىڭ قوعامدىق كەڭەسى ءتوراعاسى، نۇر-سۇلتان قالاسى بويىنشا رەسپۋبليكالىق قوعامدىق شتابتىڭ باسشىسى زۋلفۋحار گايپوۆ، نۇر-سۇلتان قالاسىنىڭ بىرلەسكەن مۇراجايلار ديرەكسياسى قىزمەتكەرلەرى ەلىمىزدىڭ ساياسي جۇيەسىن كەشەندى جاڭعىرتۋ تۋرالى ءوزارا وي ءبولىستى.
– قازىرگى بولىپ جاتقان كوپتەگەن ساياسي وزگەرىستەردىڭ بارلىعىن پرەزيدەنتتىڭ سايلاۋالدى باعدارلاماسىنىڭ لوگيكالىق جالعاسى دەپ قاراستىرۋعا بولادى. قاڭتار وقيعاسى ساياسي وزگەرىستەردىڭ قادامىن جيىلەتتى. بۇگىندە، ەل تىرلىگىن تۇزەۋ ءۇشىن ەل تىرەگى – كونستيتۋسياعا وزگەرتۋلەر ەنگىزۋدىڭ قاجەتتىلىگى تۋىنداپ وتىر. ءومىرىمىزدى وزگەرتكىمىز كەلسە، الداعى رەفەرەندۋمعا بەي-جاي قاراماۋمىز كەرەك، ءار ازامات ءوز تاڭداۋىن جاساۋى قاجەت، ول ءۇشىن سانانى وزگەرتىپ، ساياسي مادەنيەتىمىزدىڭ دەڭگەيىن كوتەرۋگە ءتيىسپىز، سەبەبى وزگەرىس وزىمىزدەن باستالادى، – دەدى زۋلفۋحار گايپوۆ.
جيىنعا قاتىسۋشىلار ءوز ويلارىن ورتاعا سالىپ، تۇيتكىلدى پروبلەمالاردى تالقىلادى.
– ءار ۇلتتىڭ، ءار حالىقتىڭ تاعدىرشەشتى كەزەڭدەرى بولادى. سونداي كەزەڭنىڭ ءبىرى تاياۋ كۇندەردە حالقىمىزدىڭ الدىنان وتەيىن دەپ تۇر. ءار ازامات «جاڭا قازاقستاندى» قۇرۋعا بايلانىستى التىن دىڭگەگىمىز – اتا زاڭىمىزعا ەنەتىن وزگەرىستەردىڭ ءمانى مەن ماعىناسىن تەرەڭ ءتۇسىنىپ، پرەزيدەنت باستامالارىنا قولداۋ ءبىلدىرۋى كەرەك دەپ ويلايمىن. ويتكەنى قازاقستاننىڭ ەرتەڭگى جارقىن بولاشاعى ءۇشىن، حالىقتىڭ الەۋمەتتىك جاعدايى مەن ءال-اۋقاتىنىڭ كوتەرىلۋى ءۇشىن، اتا زاڭعا وركەنيەتتى ەلدەردىڭ تاجريبەسى نەگىزىندە وڭ وزگەرىستەر ەنگىزىلەدى، – دەدى نۇر-سۇلتان قالاسىنىڭ بىرلەسكەن مۇراجايلار ديرەكسياسى ديرەكتورىنىڭ ورىنباسارى سامات تەرگەمبايەۆ.
