Konstitýtsiia – el táýelsizdiginiń negizi
Konstitýtsiia myzǵymas memleketimizdiń altyn qazyǵy, birligi men yntymaǵy jarasqan eldigimizdiń buljymas baǵdary, kemel keleshegimizdiń kepili!
Biz az ýaqytta aibary asqan qýatty ultqa, dáýleti tasqan áleýmetti elge ainaldyq. Ortaq shańyraǵymyzdyń shekarasyn shegelep, irgemizdi myzǵymastai etip bekittik. Taǵdyr toǵystyrǵan, tarih tabystyrǵan túrli ult ókilderi Konstitýtsiia qaǵidattary tóńiregine toptasty. Eýraziianyń júregine ornalasqan Elordamyz álemge rýhaniiattyń iri ortalyǵy, saiasattyń irgeli ordasy retinde tanyldy.
Árbir azamaty ózin teń sezinetin, tatýlyǵy jarasqan Qazaq eliniń, Qazaqstan halqynyń qarymdy isteri búginde álem jurtshylyǵy úshin úlgi-ónegege ainaldy. Munyń ózi bizdiń Ata Zańymyzda búkil adamzattyq qundylyqtar men órkeniettik igilikterdiń barlyǵy qamtylǵanyn aiǵaqtaidy.
Ata Zańymyzdy buljytpai oryndaýdyń nátijesinde Otanymyzdyń birligi nyǵaiyp, eldegi turaqtylyq pen tatýlyq ornyqty. Jańa Konstitýtsiia qabyldaý arqyly Qazaqstan jańa dáýirge qadam basty.
Qazaqstan Respýblikasy ózin demokratiialyq, zaiyrly, quqyqtyq jáne áleýmettik memleket retinde ornyqtyrdy. Al, onyń eń qymbat qazynasy — adam jáne adamnyń ómiri, quqyqtary men bostandyqtary dep aiqyndaldy. Memlekettik biliktiń birden-bir bastaýy – halyq.
Sondai-aq, halyq bilikti tikelei respýblikalyq referendým jáne erkin sailaý arqyly júzege asyryp, óz biligin júzege asyrýdy memlekettik organdarǵa beredi.
Konstitýtsiiada Respýblika qyzmetiniń túbegeili printsipteri retinde qoǵamdyq tatýlyq pen saiasi turaqtylyq, búkil halyqtyń igiligin kózdeitin ekonomikalyq damý, qazaqstandyq patriotizm, memleket ómiriniń asa mańyzdy máselelerin demokratiialyq ádistermen, onyń ishinde respýblikalyq referendýmda nemese Parlamentte daýys berý arqyly sheshý belgilendi.
Kez kelgen memlekettiń, eldiń táýelsizdigin, demokratiialyq qundylyqtaryn aiqyndaityn negizgi qujat – Konstitýtsiia. Onda memlekettiń barlyq qurylymdarynyń, jeke azamattardyń, ult pen ulystardyń, áleýmettik toptardyń maqsattary, mindetteri, quqyqtary kórsetiledi.
Osydan jiyrma jyl buryn, 30-tamyzda Qazaqstan halqy tarihi sheshim qabyldap, elimizdiń quqyqtyq ómirindegi jasampaz jańa dáýirine qadam basqan edi. Sodan beri qarai táýelsizdigimizdiń tiregine ainalǵan Ata zań — memleket pen qoǵamda oryn alyp otyrǵan barlyq saiasi-ekonomikalyq, áleýmettik reformalardyń ilgeri basýyna, damýdyń qainar bastaýyna ainaldy.
Órkendep damýymyzdyń basty qujatyna ainalǵan, búkil halyq bolyp qabyldaǵan Ata Zańdy qurmetteý bizdiń mindetimiz ári paryzymyz. Qazaqstannyń árbir azamaty elimizdiń negizgi zańynyń asqaq rýhy men mańyzyn, Konstitýtsiiany qalyptastyrý tarihyn jaqsy bilýi kerek. Konstitýtsiiany qurmetteý jáne saqtaý arqyly jáne onyń tarihy men mańyzyn bilýimizben ǵana biz óz elimizdi, Otanymyzdy, tarihymyzdy, qundylyqtarymyzdy qurmetteimiz jáne elimizdiń damýyna, qoǵamdyq kelisimge, beibitshilik pen tynyshtyqqa qol jetkize alamyz. Óitkeni, bizdiń Ata Zańymyz – Qazaqstan halqynyń sanaly tańdaýy, órkendi damýymyzdyń kepili.
