Senat depýtaty, Ishki ister ministriniń burynǵy orynbasary Marat Qojaev kólikti 5 minýttan artyq qyzdyrǵany úshin salynatyn aiyppulǵa qatysty pikir bildirdi. Aiyppul mólsheri ailyq eseptik kórsetkishtiń kóterilýine bailanysty 18 460 teńgeden 19 660 teńgege ósti, dep habarlaidy Dalanews.kz Ulysmedia.kz-ke siltep.
Qazaqstanda turǵyn aimaqtarda qozǵaltqyshy qosylyp turǵan kólikti qoiýǵa tyiym salynǵan. Qozǵaltqyshy qosýly kólikti 5 minýttan artyq turaqqa qoiǵany úshin 5 AEK (19 660 teńge) mólsherinde aiyppul qarastyrylǵan, al qaitalanǵan jaǵdaida – 10 AEK (39 320 teńge).
Senator Qojaevtyń aitýynsha, bul burynnan qoldanysta bar norma jáne ol ekologiialyq talaptardyń saqtalýyn qamtamasyz etý maqsatynda engizilgen.
– Qalalarymyzdaǵy aýa basseinderi qatty lastanǵan. Sondyqtan osyndai norma qabyldanǵan. Árine, osy bap boiynsha jaýapqa tartý úshin daýsyz protsessýaldyq dálelder qajet. Bul – beinejazba, ýaqytty tirkeý jáne basqa da faktorlar. Eger osylar anyqtalsa, kináliler ákimshilik jaýapkershilikke tartylady. Mundai erejeler damyǵan elderde de qoldanylady, – dedi senator.
