Vedomstvo basshysy KTZE-Khorgos Gateway tranzittik habyna, Altynkól júk stantsiiasyna jáne «Qorǵas – Shyǵys qaqpasy» arnaiy ekonomikalyq aimaǵynyń aýmaǵynda ornalasqan basqa da kólik infraqurylymy obektilerine bardy.
2015 jyly «Nurly jol» baǵdarlamasy boiynsha qurylǵan «Qorǵas» qurǵaq portynyń jalpy aýdany 129,4 gektardy quraidy. Ol konteinerlerdi, jabyq vagondardy jáne jabdyqtardy 1435 mm kalibrden 1520 mm kalibrli vagondarǵa tieý, túsirý, qaita tieý jáne temirjol terminalynyń rólin atqarady.
Óz kezegende Altynkól shekaralyq júk stantsiiasy Qytaidan Eýropaǵa, Ortalyq Aziia, Kavkaz jáne Parsy shyǵanaǵy elderine júk aǵyny boiynsha qyzmet kórsetedi. Ol «Jetigen – Memlekettik shekara» ýchaskesinde ornalasqan jáne poezdardy qabyldaý, olardy jóneltý, júkter men konteinerlerdi QHR vagondarynan otandyq vagondarǵa aýystyrý, sondai-aq jolaýshylar poezdaryn qabyldaý-jóneltý jáne jolaýshylarǵa qyzmet kórsetý jónindegi qyzmetterdi kórsetedi. Stantsiianyń ótkizý qabileti 18 jup poiyz.
Tasymaldaý jónindegi jumystardyń barlyq keshenin oryndaý úshin stantsiiada konteinerlik terminal, «Kedentransservis» AQ-ǵa tiesili iri gabaritti jáne konteinerlik býyp-túiý júkteriniń qaita tieý terminaldary, sondai-aq EUROTRANSIT-KTS JShS qaita tieý terminaly bar.
Jumys sapary sheńberinde ministrlik basshysy Shamalǵan stantsiiasyn ainalyp ótý jáne «Saryózek – Kóktal» avtojolyndaǵy kúrdeli jóndeý jumystarynyń barysymen de tanysty.
