ۆەدومستۆو باسشىسى KTZE-Khorgos Gateway ترانزيتتىك حابىنا، التىنكول جۇك ستانسياسىنا جانە «قورعاس – شىعىس قاقپاسى» ارنايى ەكونوميكالىق ايماعىنىڭ اۋماعىندا ورنالاسقان باسقا دا كولىك ينفراقۇرىلىمى وبەكتىلەرىنە باردى.
2015 جىلى «نۇرلى جول» باعدارلاماسى بويىنشا قۇرىلعان «قورعاس» قۇرعاق پورتىنىڭ جالپى اۋدانى 129،4 گەكتاردى قۇرايدى. ول كونتەينەرلەردى، جابىق ۆاگونداردى جانە جابدىقتاردى 1435 مم كاليبردەن 1520 مم كاليبرلى ۆاگوندارعا تيەۋ، ءتۇسىرۋ، قايتا تيەۋ جانە تەمىرجول تەرمينالىنىڭ ءرولىن اتقارادى.
ءوز كەزەگەندە التىنكول شەكارالىق جۇك ستانسياسى قىتايدان ەۋروپاعا، ورتالىق ازيا، كاۆكاز جانە پارسى شىعاناعى ەلدەرىنە جۇك اعىنى بويىنشا قىزمەت كورسەتەدى. ول «جەتىگەن – مەملەكەتتىك شەكارا» ۋچاسكەسىندە ورنالاسقان جانە پوەزداردى قابىلداۋ، ولاردى جونەلتۋ، جۇكتەر مەن كونتەينەرلەردى قحر ۆاگوندارىنان وتاندىق ۆاگوندارعا اۋىستىرۋ، سونداي-اق جولاۋشىلار پوەزدارىن قابىلداۋ-جونەلتۋ جانە جولاۋشىلارعا قىزمەت كورسەتۋ جونىندەگى قىزمەتتەردى كورسەتەدى. ستانسيانىڭ وتكىزۋ قابىلەتى 18 جۇپ پويىز.
تاسىمالداۋ جونىندەگى جۇمىستاردىڭ بارلىق كەشەنىن ورىنداۋ ءۇشىن ستانسيادا كونتەينەرلىك تەرمينال، «كەدەنترانسسەرۆيس» اق-عا تيەسىلى ءىرى گاباريتتى جانە كونتەينەرلىك ءبۋىپ-تۇيۋ جۇكتەرىنىڭ قايتا تيەۋ تەرمينالدارى، سونداي-اق EUROTRANSIT-كتس ج ش س قايتا تيەۋ تەرمينالى بار.
جۇمىس ساپارى شەڭبەرىندە مينيسترلىك باسشىسى شامالعان ستانسياسىن اينالىپ ءوتۋ جانە «سارىوزەك – كوكتال» اۆتوجولىنداعى كۇردەلى جوندەۋ جۇمىستارىنىڭ بارىسىمەن دە تانىستى.
