Eki adam oqiǵa ornynda til tartpai ketse, taǵy ekeýi aýrýhanada. Al júrgizýshiniń ózi oqiǵa ornynan iz sýytqan.
Júitkigen Hyundai qarsy betke shyǵyp ketip, aialdamada toptalyp turǵan adamdardy qoǵadai japyryp ótken. Eshkimniń qashýǵa múmkindigi bolmaǵan. Biri qańbaqtai ushsa, endi biri kóliktiń astynda janshylyp qalǵan. Tórt adam zardap shegip, onyń ekeýi sol jerde jan tapsyrǵan.
Al túrli jaraqat alǵan eki áiel aýrýhanaǵa tústi. Bireýiniń jaraqaty jeńil, al 53 jastaǵy jergilikti turǵynnyń jaǵdaiy aýyr ekenin dárigerler aitty.
– Ekinshi 1968 jyly týǵan azamat jansaqtaý bóliminde jatyr. Jaǵdaiy óte aýyr. Onyń bes qabyrǵasy synǵan jáne miy shaiqalǵan, tómengi jaq súiegi synǵan. Tizesindegi shemirshekterdiń bári úzilgen.Qazirgi jaǵdaiy óte aýyr. Biraq esin biledi, jansaqtaý bóliminde jatyr, – deidi Taraz qalasy №1 aýrýhana bas dárigeriniń orynbasary Sáken Jumashev:
Politseiler kúdikti retinde 23 jastaǵy qala turǵynyn ustaǵan. Qaiǵyly jaǵdai búgin tańǵy jeti shamasynda bolǵan. Qaza tapqandardyń ekeýi de áiel.
– Jol kólik oqiǵasynda eki áiel qaitys boldy, ekeýi jansaqtaý bólimine tústi. Jol kólik oqiǵasyna qatysty júrgizýshige qatysty tergeý amaldary bastaldy, – deidi Jambyl oblysy PD bastyǵynyń orynbasary Baqyt Rataev.
Jol kólik oqiǵasy baqylaý kamerasyna túsip qalǵan. Sodan alynǵan video áleýmettik jelige tarap, qoǵamda qyzý talqyǵa túsip jatyr.
Sondai-aq el arasynda apatqa sebepker bolǵan azamattyń oqiǵa ornynan qashyp ketkeni aitylýda. Alaida politseiler bul derekti joqqa shyǵarýda. Ázirshe kúdiktiniń kólik júrgizgende azamattyń ishimdik ishken-ishpegeni de belgisiz. Ony anyqtaýǵa birqatar saraptama taǵaiyndalǵan. 23 jastaǵy kólik júrgizýshisi qamaýǵa alynyp, derekke qatysty tergeý júrgizilip jatyr.
