ەكٸ ادام وقيعا ورنىندا تٸل تارتپاي كەتسە, تاعى ەكەۋٸ اۋرۋحانادا. ال جٷرگٸزۋشٸنٸڭ ٶزٸ وقيعا ورنىنان ٸز سۋىتقان.
جٷيتكٸگەن Hyundai قارسى بەتكە شىعىپ كەتٸپ, ايالدامادا توپتالىپ تۇرعان ادامداردى قوعاداي جاپىرىپ ٶتكەن. ەشكٸمنٸڭ قاشۋعا مٷمكٸندٸگٸ بولماعان. بٸرٸ قاڭباقتاي ۇشسا, ەندٸ بٸرٸ كٶلٸكتٸڭ استىندا جانشىلىپ قالعان. تٶرت ادام زارداپ شەگٸپ, ونىڭ ەكەۋٸ سول جەردە جان تاپسىرعان.
ال تٷرلٸ جاراقات العان ەكٸ ەيەل اۋرۋحاناعا تٷستٸ. بٸرەۋٸنٸڭ جاراقاتى جەڭٸل, ال 53 جاستاعى جەرگٸلٸكتٸ تۇرعىننىڭ جاعدايى اۋىر ەكەنٸن دەرٸگەرلەر ايتتى.
– ەكٸنشٸ 1968 جىلى تۋعان ازامات جانساقتاۋ بٶلٸمٸندە جاتىر. جاعدايى ٶتە اۋىر. ونىڭ بەس قابىرعاسى سىنعان جەنە ميى شايقالعان, تٶمەنگٸ جاق سٷيەگٸ سىنعان. تٸزەسٸندەگٸ شەمٸرشەكتەردٸڭ بەرٸ ٷزٸلگەن.قازٸرگٸ جاعدايى ٶتە اۋىر. بٸراق ەسٸن بٸلەدٸ, جانساقتاۋ بٶلٸمٸندە جاتىر, – دەيدٸ تاراز قالاسى №1 اۋرۋحانا باس دەرٸگەرٸنٸڭ ورىنباسارى سەكەن جۇماشەۆ:
پوليتسەيلەر كٷدٸكتٸ رەتٸندە 23 جاستاعى قالا تۇرعىنىن ۇستاعان. قايعىلى جاعداي بٷگٸن تاڭعى جەتٸ شاماسىندا بولعان. قازا تاپقانداردىڭ ەكەۋٸ دە ەيەل.
– جول كٶلٸك وقيعاسىندا ەكٸ ەيەل قايتىس بولدى, ەكەۋٸ جانساقتاۋ بٶلٸمٸنە تٷستٸ. جول كٶلٸك وقيعاسىنا قاتىستى جٷرگٸزۋشٸگە قاتىستى تەرگەۋ امالدارى باستالدى, – دەيدٸ جامبىل وبلىسى پد باستىعىنىڭ ورىنباسارى باقىت راتاەۆ.
جول كٶلٸك وقيعاسى باقىلاۋ كامەراسىنا تٷسٸپ قالعان. سودان الىنعان ۆيدەو ەلەۋمەتتٸك جەلٸگە تاراپ, قوعامدا قىزۋ تالقىعا تٷسٸپ جاتىر.
سونداي-اق ەل اراسىندا اپاتقا سەبەپكەر بولعان ازاماتتىڭ وقيعا ورنىنان قاشىپ كەتكەنٸ ايتىلۋدا. الايدا پوليتسەيلەر بۇل دەرەكتٸ جوققا شىعارۋدا. ەزٸرشە كٷدٸكتٸنٸڭ كٶلٸك جٷرگٸزگەندە ازاماتتىڭ ٸشٸمدٸك ٸشكەن-ٸشپەگەنٸ دە بەلگٸسٸز. ونى انىقتاۋعا بٸرقاتار ساراپتاما تاعايىندالعان. 23 جاستاعى كٶلٸك جٷرگٸزۋشٸسٸ قاماۋعا الىنىپ, دەرەككە قاتىستى تەرگەۋ جٷرگٸزٸلٸپ جاتىر.
