Kóligine jalǵan nómir taqqan politsiia bastyǵy jumysynan qýyldy
Atalǵan faktige qatysty Qostanai oblysy politsiia departamentiniń baspasóz qyzmeti túsinik berdi.
Vedomstvoda habarlaǵandai, QR IIM-de politsiiany reformalaý aiasynda basty basymdyq belgilengen. Ol – jeke quram arasynda zańdylyq pen tártipti saqtaý.
– Youtube-te jariialanǵan video boiynsha Qostanai oblysynyń PD Sarykól aýdanynyń politsiia bóliminiń bastyǵy Qairat Ábdihalyqovtyń zańsyz áreketi týraly qyzmettik tergeý júrgizildi. Memlekettik qyzmetshiniń Ádep kodeksiniń talaptaryn buzǵany úshin Sarykól aýdandyq PB politsiia qyzmetkerleri qatań tártiptik jaýapqa tartyldy, – dep habarlady politsiia agenttik tilshisine. Sonymen qatar, júrgizýshini ákimshilik jaýapqa tartý úshin material Qostanai oblysy PD jergilikti politsiia qyzmeti basqarmasyna joldanǵan.
«Osydan keiin Sarykól aýdanynyń politsiia bastyǵy Qairat Ábdihalyqov qyzmetinen bosatý týraly baianat jazdy» dep tolyqtyrdy politsiia departamentiniń baspasóz qyzmeti.
