2 qabatty 120 oryndyq bilim ordasynyń qurylysyn «SP NEFT» JSHS merdiger mekemesi merziminde aıaqtady.
Qyzyltoǵan orta mektebiniń saltanatty ashylý rásimine Kóksý aýdanynyń ákimi Almas ÁDİL qatysty. Mektep qazaq tilinde bilim beredi. Jobanyń júzege asyrylýyna oblystyq búdjetten 717 mln. teńge qarajat bólindi.
Mektep jasyndaǵy qyzyltoǵandyqtar jańa ǵımaratta, yńǵaıly synyp bólmelerinde bilim alatyn bolady. Bıylǵy pandemıa jaǵdaıyna baılanysty 1-4 kezekshi synyptardaǵy 40 oqýshy barlyq sanıtarlyq talaptardy saqtaı otyryp, mektep qabyrǵasynda bilim alsa, 62 oqýshy qashyqtan oqıtyn bolady.
Jańa bilim ordasynyń ashylǵanyna qýanǵan aýyl turǵyndary memleketke de, osy ıgilikti iske kúsh jumsaǵan barlyq sala mamandaryna da óz alǵystaryn aıtýda.
