Kókshetaý qalalyq soty Aqmola oblysy boiynsha Kóliktik baqylaý inspektsiiasyndaǵy sybailas jemqorlyqqa qatysty qylmystyq is boiynsha úkim shyǵardy, dep habarlaidy Dalanews.kz.
Sot aldynda burynǵy inspektsiia bóliminiń basshysy, deldal jáne toǵyz júrgizýshi boldy. Tergeý barysynda laýazymdy tulǵanyń deldal arqyly tiisti ruqsat qujattary joq, sondai-aq qaýipsizdik talaptaryn óreskel buza otyryp munai ónimderin tasymaldaýǵa jalpy qamqorlyq kórsetkeni úshin júieli túrde para alǵany anyqtaldy.
Sot barlyq figýranttardy para alý jáne berý deregi boiynsha kináli dep tanydy. Kólik prokýrorynyń ótinishhatyn qanaǵattandyryp, sot Kóliktik inspektsiiadaǵy sybailas jemqorlyqqa jol bermeý maqsatynda Qazaqstan Respýblikasy Kólik ministrliginiń atyna jeke uiǵarym shyǵardy.
Sot protsesi inspektsiia qyzmetkerleriniń qatysýymen ashyq túrde ótti.
Úkim zańdy kúshine endi.
