كوكشەتاۋ قالالىق سوتى اقمولا وبلىسى بويىنشا كولىكتىك باقىلاۋ ينسپەكسياسىنداعى سىبايلاس جەمقورلىققا قاتىستى قىلمىستىق ءىس بويىنشا ۇكىم شىعاردى، دەپ حابارلايدى Dalanews.kz.
سوت الدىندا بۇرىنعى ينسپەكسيا ءبولىمىنىڭ باسشىسى، دەلدال جانە توعىز جۇرگىزۋشى بولدى. تەرگەۋ بارىسىندا لاۋازىمدى تۇلعانىڭ دەلدال ارقىلى ءتيىستى رۇقسات قۇجاتتارى جوق، سونداي-اق قاۋىپسىزدىك تالاپتارىن ورەسكەل بۇزا وتىرىپ مۇناي ونىمدەرىن تاسىمالداۋعا جالپى قامقورلىق كورسەتكەنى ءۇشىن جۇيەلى تۇردە پارا العانى انىقتالدى.
سوت بارلىق فيگۋرانتتاردى پارا الۋ جانە بەرۋ دەرەگى بويىنشا كىنالى دەپ تانىدى. كولىك پروكۋرورىنىڭ ءوتىنىشحاتىن قاناعاتتاندىرىپ، سوت كولىكتىك ينسپەكسياداعى سىبايلاس جەمقورلىققا جول بەرمەۋ ماقساتىندا قازاقستان رەسپۋبليكاسى كولىك مينيسترلىگىنىڭ اتىنا جەكە ۇيعارىم شىعاردى.
سوت پروسەسى ينسپەكسيا قىزمەتكەرلەرىنىڭ قاتىسۋىمەن اشىق تۇردە ءوتتى.
ۇكىم زاڭدى كۇشىنە ەندى.
