Kókshetaýda qaryzyn ýaqytyly ótei almaǵan kásipkerdiń qazasyna bailanysty sot úkimi shyqty. Is ózin-ózi óltirýge jetkizý deregi boiynsha qozǵaldy, dep habarlaidy Dalanews.kz.
Aiyptalýshylar qatarynda Shýchinsk qalasynyń eki turǵyny men Kókshetaý qalasynyń bir turǵyny boldy. Birinshisi buryn sottalǵan bolsa, qalǵan ekeýi aýyr qylmystar úshin jaýapqa tartylǵan.
Is materialdaryna sáikes, jergilikti kásipker tanysy arqyly Kókshetaý turǵynynan iri kólemde aqsha qaryzǵa alady. Alaida ol belgilengen merzimde boryshyn qaitara almaidy. 2017 jyldyń jeltoqsanynda er adam ózine-ózi qol jumsap, basynan tapanshamen atqan.
Osy oqiǵadan keiin qaryz bergen adam men onyń Shýchinskidegi tanysy marqumnyń ózge tanysy arqyly aqshany qaitaryp almaq bolǵan.
"2020 jyly jábirlenýshi aiyptalýshylardyń qoqan-loqqysynan keiin garajyn, jer telimin jáne páterin marqum dosynyń qaryzynyń bir bóligin óteý úshin olardyń atyna aýdaryp bergen. Sol jyldyń jeltoqsanynda ol asylyp kóz jumǵan. Artynda “meniń ólimime birinshi aiyptalýshy kináli, ol meni dosymnyń qaryzy úshin barlyq múlkimnen aiyrdy” degen mazmunda hat qaldyrǵan", — delingen sot habarlamasynda.
2023 jyly birinshi aiyptalýshy taǵy bir kásipkerden kafe men dúken iesinen "biznesińnen aiyrylasyń" dep qorqytyp, 10 mln teńge talap etken. Kóp uzamai sol kásipkerdiń kafesinde órt shyqqan. Órttiń sebebi anyqtalmaǵandyqtan, is toqtatylǵan. Keiin jábirlenýshi UQK departamentine júgingen. Osydan soń aiyptalýshylar qaita qoqan-loqy kórsetip, 5 mln teńge talap etken. Aqshany tapsyrý kezinde olar ustaldy.
Tergeý barysynda olardyń zańsyz qarý saqtaǵany jáne esirtki zatyn iemdengeni anyqtalǵan.
Sot úkimi boiynsha:
- Shýchinsk turǵyny (birinshi aiyptalýshy) — qorqytyp alý, qarýdy zańsyz saqtaý jáne adamdy ózine-ózi qol jumsaýǵa jetkizgeni úshin 5 jyl 6 aiǵa bas bostandyǵynan aiyryldy;
- Ekinshi aiyptalýshy (Shýchinsk turǵyny) — qorqytyp alý jáne psihotroptyq zatty zańsyz saqtaý baby boiynsha 5 jylǵa sottaldy;
- Úshinshi aiyptalýshy (Kókshetaý turǵyny) — óz betinshe bilik etý jáne adamdy ózine-ózi qol jumsaýǵa jetkizý baby boiynsha 4 jyl 6 aiǵa bas bostandyǵynan aiyryldy.
Sonymen qatar sot olardyń árqaisysynan 2020 jyly qaitys bolǵan er adamnyń týystaryna 3 mln teńgeden, al kafe iesine 350 myń teńgeden ótemaqy óndirý týraly sheshim shyǵardy.
