Delegattardy arnaiy kútip alǵan Ońtústik Qazaqstan oblysynyń ákimi Janseiit Túimebaev jańa baǵyttyń eki oblystyń saýda-ekonomikalyq qatynastarynyń nyǵaiýyna, týrizm salasynyń qarqyndy damýyna septigin tigizetindigin jetkizdi.
Sonymen qatar, oblysymyzdyń Túrkistan, Otyrar, Sairam, Qazyǵurt, Qasqasý siiaqty týristik aimaqtaryna Aqmola oblysynan týristerdiń áýe baǵyty arqyly kelýine múmkindik týyp otyr. Jalpy, «Shymkent-Kókshetaý» áýe baǵyty 2 oblystyń aldaǵy ýaqytta qaryshtap damýyna óz septigin tigizetin bolady.
Tasymaldaýǵa arnalǵan ushaq túri kanadalyq CRJ-200. Jol júrý baǵasy - 20 myń teńgeni quraidy. Qazirdiń ózinde «Shymkent-Kókshetaý» baǵytyn jandandyrý maqsatynda, qos qalada da halyqtyń kóp shoǵyrlanatyn oryndarynda jarnamalar ornatylǵan.
Ońtústikke issapary barysynda kókshetaýlyq delegatsiia basshylyǵy men Ońtústik Qazaqstan oblysynyń ákimdigi eki jaqty yntymaqtastyqty arttyrý jóninde kelissózder júrgizdi. Atap aitqanda, Ońtústik Qazaqstan oblysy men Aqmola oblysy ákimdikteri arasynda ózara yntymaqtastyq týraly memarandýmǵa qol qoiyldy.
Sondai-aq, Shymkent pen Kókshetaý qalalary arasynda bailanys ornatý jáne «Shymkent» ÁKK UQ men «Esil» ÁKK UQ arasyndaǵy yntymaqtastyqty kúsheitý týraly, «ENKI»JShS men OQO qurylys basqarmasy ózara memorandým túzdi. Kelisimder eki oblys arasyndaǵy qarjylyq damý men yntymaqtastyq bailanysty kúsheitýge baǵyttalǵan. Máselen, «Kókshetaý mineraldy sý»AQ men Shymkenttik «Azamat» JShS óńiraralyq kooperatsiia aiasynda 2 mlrd. tengeniń ónimin tasymaldaý týraly memorandýmǵa qol qoidy.
Tús aýa Aqmola oblysynan kelgen arnaiy delegatsiia músheleri Shymkenttegi birqatar nysandar – «Front Ofis», «Ońtústik» kásipkerlerge qyzmet kórsetý ortalyǵyn, «Shymkent» ÁKK» AQ-yn, «Ońtústik» indýstrialdy aimaǵy men erkin ekonomikalyq aimaǵy syndy mańyzdy nysandardy aralap, kórdi.
OQO ákiminiń baspasóz qyzmeti
