دەلەگاتتاردى ارنايى كٷتٸپ العان وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ جاڭا باعىتتىڭ ەكٸ وبلىستىڭ ساۋدا-ەكونوميكالىق قاتىناستارىنىڭ نىعايۋىنا, تۋريزم سالاسىنىڭ قارقىندى دامۋىنا سەپتٸگٸن تيگٸزەتٸندٸگٸن جەتكٸزدٸ.
سونىمەن قاتار, وبلىسىمىزدىڭ تٷركٸستان, وتىرار, سايرام, قازىعۇرت, قاسقاسۋ سيياقتى تۋريستٸك ايماقتارىنا اقمولا وبلىسىنان تۋريستەردٸڭ ەۋە باعىتى ارقىلى كەلۋٸنە مٷمكٸندٸك تۋىپ وتىر. جالپى, «شىمكەنت-كٶكشەتاۋ» ەۋە باعىتى 2 وبلىستىڭ الداعى ۋاقىتتا قارىشتاپ دامۋىنا ٶز سەپتٸگٸن تيگٸزەتٸن بولادى.
تاسىمالداۋعا ارنالعان ۇشاق تٷرٸ كانادالىق CRJ-200. جول جٷرۋ باعاسى - 20 مىڭ تەڭگەنٸ قۇرايدى. قازٸردٸڭ ٶزٸندە «شىمكەنت-كٶكشەتاۋ» باعىتىن جانداندىرۋ ماقساتىندا, قوس قالادا دا حالىقتىڭ كٶپ شوعىرلاناتىن ورىندارىندا جارنامالار ورناتىلعان.
وڭتٷستٸككە ٸسساپارى بارىسىندا كٶكشەتاۋلىق دەلەگاتسييا باسشىلىعى مەن وڭتٷستٸك قازاقستان وبلىسىنىڭ ەكٸمدٸگٸ ەكٸ جاقتى ىنتىماقتاستىقتى ارتتىرۋ جٶنٸندە كەلٸسسٶزدەر جٷرگٸزدٸ. اتاپ ايتقاندا, وڭتٷستٸك قازاقستان وبلىسى مەن اقمولا وبلىسى ەكٸمدٸكتەرٸ اراسىندا ٶزارا ىنتىماقتاستىق تۋرالى مەماراندۋمعا قول قويىلدى.
سونداي-اق, شىمكەنت پەن كٶكشەتاۋ قالالارى اراسىندا بايلانىس ورناتۋ جەنە «شىمكەنت» ەكك ۇق مەن «ەسٸل» ەكك ۇق اراسىنداعى ىنتىماقتاستىقتى كٷشەيتۋ تۋرالى, «ENKI»جشس مەن وقو قۇرىلىس باسقارماسى ٶزارا مەموراندۋم تٷزدٸ. كەلٸسٸمدەر ەكٸ وبلىس اراسىنداعى قارجىلىق دامۋ مەن ىنتىماقتاستىق بايلانىستى كٷشەيتۋگە باعىتتالعان. مەسەلەن, «كٶكشەتاۋ مينەرالدى سۋ»اق مەن شىمكەنتتٸك «ازامات» جشس ٶڭٸرارالىق كووپەراتسييا اياسىندا 2 ملرد. تەنگەنٸڭ ٶنٸمٸن تاسىمالداۋ تۋرالى مەموراندۋمعا قول قويدى.
تٷس اۋا اقمولا وبلىسىنان كەلگەن ارنايى دەلەگاتسييا مٷشەلەرٸ شىمكەنتتەگٸ بٸرقاتار نىساندار – «فرونت وفيس», «وڭتٷستٸك» كەسٸپكەرلەرگە قىزمەت كٶرسەتۋ ورتالىعىن, «شىمكەنت» ەكك» اق-ىن, «وڭتٷستٸك» يندۋستريالدى ايماعى مەن ەركٸن ەكونوميكالىق ايماعى سىندى ماڭىزدى نىسانداردى ارالاپ, كٶردٸ.
وقو ەكٸمٸنٸڭ باسپاسٶز قىزمەتٸ
