Kókshetaý shendileri Dariǵa Nazarbaevany aldap soqty
Bul týraly Oiýly Qýanysh Erǵaliuly esimdi Feisbýk qoldanýshysy óz paraqshasynda jariialady. Naqtyraq aitsaq, Kókshetaý biliginiń basynda otyrǵandar tipti Dariǵa Nazarbaevanyń ózin aldap soǵypty.
«Dariǵa nómiri 2-shi mektepke barmaq bolǵan eken, bizdiń suńǵyla basshylar ekinshi mekteptiń oqýshylarynyń ornyna nómiri 3-shi mekteptiń oqýshylaryn otyrǵyzyp qoiypty. Otyrǵyzyp qoiyp «biologiia» pənin aǵylshynsha ótkizipti. Əi, sabazyń-ai! Ne degen aqyl, ne degen mi?! Osy jaǵdaiǵa bailanysty ata-analar men ustazdardyń, oqýshylardyń arasynda renish bar. Kim ózin, bolmasa óziniń balasyn bireýden kem kóredi. Ərine, renishteri oryndy», – deidi avtor.
Jeli qoldanýshysy, jas urpaqty osylaisha ótirikpen aýyzdandyryp júrgenimizge kúiinetinin aitqan. Ol úsh tilde oqytyp jatyrmyz degendi kórsetý úshin, osynshalyqty masqara qadamǵa nege baramyz dep ashyna jazady. Avtor dál osy jaǵdaidy bile tura, jazbai otyra almadym deidi.
«Osy jazbam úshin jergilikti bilik meniń de mańdaiymnan sipamasyn bilem! Biraq úndemei qalýǵa azamattyq ar-ujdanym jibermedi. Ún qosyńyzdar aǵaiyn! Ana tili olarǵa kerek bolmasa bizge kerek! Men balamnyń məńgúrt bolǵanyn qalamaimyn!», – dep aiaqtaǵan áleýmettik jelidegi jazbasyn. Jazba 200-den astam ret bólisilip, qoldaý mánindegi pikirler qaldyrylǵan.
Stan.kz
