Kókshetaýda 61 jastaǵy áleýmettik qyzmetker tereze tazalaý kezinde biikten qulap, jaraqat aldy. Bul týraly aqparat áleýmettik jelide tarady, dep habarlaidy dalanews.kz.
Aldyn ala málimetke sáikes, áiel jumys barysynda tepe-teńdigin joǵaltyp, tereze jaqtaýynan qulaǵan. Saldarynan onyń birneshe qabyrǵasy synyp, denesiniń ár tusy jaraqattanǵan. Sondai-aq dárigerler mi shaiqalýyn anyqtaǵan.
Kókshetaý qalasynyń jumyspen qamtý bólimi qazirgi ýaqytta oqiǵanyń mán-jaiy tekserilip jatqanyn málimdedi. Tekserý aiaqtalǵannan keiin jaǵdaiǵa tiisti quqyqtyq baǵa berilmek.
Aqmola oblysynyń eńbek inspektsiiasy departamenti jumys berýshiden óndiristegi jazataiym oqiǵa týraly resmi habarlama áli túspegenin habarlady.
