Memleket basshysy Qasym-Jomart Toqaev Aqmola oblysynyń ákimimen kezdesýi barysynda óńirdiń kezekte turǵan azamattar men áleýmettik osal toptardy sapaly turǵyn úimen qamtamasyz etý baǵytyndaǵy oń tájiribesin erekshe atap ótken bolatyn. Prezident oblysta júzege asyrylyp jatqan renovatsiia baǵdarlamasyn tiimdi ári úlgili tetik retinde baǵalap, ony respýblika kóleminde keńinen engizý qajettigin aitty, dep habarlaidy dalanews.kz.
Prezidenttiń joǵary baǵasy búginde naqty jalǵasyn taýyp, Kókshetaý elimizdiń basty dialog alańyna ainaldy. Qalada ótken aýqymdy «Aqmola Urban Forum»forýmynda jetekshi sarapshylar Aqmola oblysynyń tájiribesi qazaqstandyq qalalardyń damý filosofiiasyn qalai ózgertetini jóninde jan-jaqty talqylady.
Eki kúnge sozylǵan sharaǵa Qazaqstannyń túkpir-túkpirinen kelgen 120-dan astam ýrbanist, qurylysshy, investor jáne salalyq vedomstvolardyń basshylary qatysty. Forýmnyń alǵashqy kúni Astanada bastalyp, búgin Kókshetaýda jalǵasty.
Plenarlyq otyrys barysynda renovatsiianyń praktikalyq tetikteri, investorlarmen ózara is-qimyl jáne aýmaqtardy keshendi damytý tásilderi keńinen qarastyryldy. Seminar Memleket basshysynyń «Taza Qazaqstan» ekologiialyq aktsiiasy aiasynda abattandyrý nysandaryn jańǵyrtý jónindegi tapsyrmalaryn iske asyrýǵa baǵyttalǵan. Sonymen qatar energiia tiimdiligin arttyrý, núktelik qurylystan keshendi kvartaldyq josparlaýǵa kóshý máselelerine erekshe nazar aýdaryldy.
Forým uiymdastyrýshylarynyń aitýynsha, Aqmola oblysynyń renovatsiia jáne qoǵamdyq keńistikterdi jańǵyrtý salasyndaǵy jetistikteri buǵan deiin Prezident tarapynan joǵary baǵalanǵan. Óńirdiń turǵyn úi kezeginde turǵan azamattar men áleýmettik osal toptardy baspanamen qamtý jónindegi tájiribesi júielendirilip, 2026–2027 jyldarǵa arnalǵan jol kartalary aiasynda paidalaný úshin barlyq óńirlerge resmi ádistemelik usynym retinde joldanǵan.
Forým qatysýshylaryna Ýrbanistika ortalyǵy men «Qazaqstan turǵyn úi kompaniiasy» AQ birlesip júzege asyryp jatqan, injenerlik jelilerdi aldyn ala jobalaýǵa negizdelgen tutas shaǵynaýdandardy keshendi salý modeli tanystyryldy. Sondai-aq óńirlik baǵdarlamanyń ekonomikalyq tiimdiligi kórsetildi: memleket tarapynan nebári 702 mln teńge kóleminde bastapqy qarajat bólinip, sonyń nátijesinde renovatsiia jobalaryna 38 mlrd teńgege jýyq jeke investitsiia tartylǵan.
«Biz bul tájiribeni tek teoriialyq emes, praktikalyq turǵydan da kórsetkimiz keledi. Óńirlerden kelgen sáýlet basqarmalarynyń ókilderi men profildik bólimshelerdiń basshylary iske asyrylǵan jobalarmen tikelei tanysyp, Kókshetaýdyń úzdik tájiribelerin óz jumystaryna engize alady. Ásirese qurylys nysandaryn renovatsiialaý men energiia tiimdi tehnologiialardy engizý baǵytyndaǵy tájiribe úlken qyzyǵýshylyq týdyryp otyr. Aqmola oblysy osyndai jobalardy iske asyrý boiynsha Germaniianyń DENA kompaniiasymen yntymaqtastyq ornatqan alǵashqy óńirlerdiń biri boldy. Bul tájiribeni búkil respýblikaǵa taratýdy kózdep otyrmyz», – dedi QR Ónerkásip jáne qurylys vitse-ministri Qýandyq Qajkenov.
Forýmnyń praktikalyq bóliginde aralyq qorytyndylar jariialandy. Búgingi kúni óńirde 209 páterden turatyn 23 eski ǵimarat súrilip, olardyń ornyna 763 páterlik 10 jańa turǵyn úi kesheni salyndy. Apatty turǵyn úi qoryndaǵy 248 menshik iesi jańa baspanamen qamtamasyz etildi.
Biyl 11 joba júzege asyrylyp jatyr. Jospar boiynsha shamamen 70 eski úi súrilip, azamattardy kóshirý úshin 1200 jańa páter paidalanýǵa beriledi. Baǵdarlamanyń 2030 jylǵa deiingi uzaq merzimdi maqsaty – 250 apatty ǵimaratty buzyp, 18 myńnan astam turǵynnyń baspana jaǵdaiyn jaqsartý.
Aqmola oblysynyń tájiribesiniń ereksheligi – elimizde alǵash ret renovatsiia baǵdarlamasynyń oblys ortalyǵynan tys jerlerge de keńinen engizilýi. Qazirgi ýaqytta mundai jobalar Atbasar, Qosshy qalalarynda, sondai-aq Bulandy jáne Arshaly aýdandarynda júzege asyrylýda. Qurylys barysynda «GLB Úi qurylysy kombinatynyń» tehnologiialary men Germaniianyń DENA kompaniiasynyń standarttary qoldanylady.
Óńir zamanaýi standarttardy engizý arqyly energiia tiimdiligine, LED-jaryqtandyrý júielerin keńinen paidalanýǵa jáne áleýmettik infraqurylymdy damytýǵa basymdyq berýde. Kókshetaýda jańa ýrbanistikalyq kózqarastyń naqty nátijesi retinde biryńǵai dizain-kod engizilip, erekshe kórkem mýraldar paida boldy. Sonymen qatar qalanyń mańyzdy nysandaryn biriktiretin, turǵyndar men qonaqtar úshin jaily ári úilesimdi jasyl ekojúie qalyptastyratyn aýqymdy «Kók Shalǵyn» jobasy iske asyrylýda.
Plenarlyq otyrystyń qorytyndysynda Aqmola oblysynyń ákimi Marat Ahmetjanov ýrbanistika salasyndaǵy jetistikter men óńirdegi qurylys qarqynynyń artýy qýatty investitsiialyq jáne ekonomikalyq negizge súienetinin atap ótti. Onyń aitýynsha, iri qurylys jobalarynyń iske asyrylýy oblystyń qurylys salasyn elimizdegi qurylysshylardyń eńbekaqysy eń joǵary deńgeidegi óńirler qataryna shyǵardy.
