Astanada ótken V Dúniejúzilik Kóshpendiler oiynynyń kókpar saiysynan keiin qazaq-qyrǵyz jankúierleri arasynda úlken daý týǵany belgili. «Final ádiletsiz ótti» degen qyrǵyzstandyqtar áleýmettik jelide Qazaqstan kókparshylarynan bastap bútin bir halyqty balaǵattady. Solardyń birin kúni keshe Qyrǵyzstan qaýipsizdik qyzmeti ustap, kópshilik aldynda keshirim suratty, - dep habarlaidy Dalanews.kz 1bol.kz-ke siltep.
Basylym málimetinshe, ustalǵan azamat áleýmettik jelide Qazaqstannyń týyn laqtyryp, memlekettik rámizdi qorlaǵan. Bul óz kezeginde myńdaǵan adamnyń ashýyn týdyrdy.
Eki eldiń arasyna ot salyp, arandatqan jas jigittiń ustalǵanyn Qyrǵyzstan Ulttyq qaýipsizdik memlekettik komiteti málimdegen. 21 jastaǵy azamat videokamera aldynda eki elden de keshirim surap, óz qateligin moiyndady.
Aita keteiik, qazaq pen qyrǵyz kókparshylarynyń finaldyq oiynynda qosymsha ýaqytta Qazaqstan quramasy jeńiske jetti. Osydan keiin qarsylas komanda narazylyq bildirip, marapattaý rásiminde Qazaqstannyń ánuranyn tyńdamai ketip qaldy.
Artynsha olar qazaq kókparshylaryn qarymta match ótkizýge shaqyrǵanymen, qazaqstandyq kókparshylar bul usynystan bas tartty.
