Astanada ótken halyqpen kezdesýde Saraishyq yqshamaýdanynyń turǵyny qala ákimi Jeńis Qasymbekke ulynyń balabaqshada býllingke ushyraǵanyn aityp, shaǵymyn jetkizdi, dep habarlaidy Dalanews.kz.
Onyń aitýynsha, jekemenshik balabaqshada 26 qyrkúiekte basqa ata-analarmen daý shyǵyp, sol jaǵdaidan keiin eki jasar balasy eshqandai resmi dereksiz mekemeden shyǵarylǵan.
“Balama ákimshilik tarapynan ádiletsiz kózqaras tanytyldy. Ulymdy kemsitip, ar-namysyna tietin sózder aitty. Tipti “agressivti”, “minezi durys emes” dep sipattap, “kishkentai Bishimbaev” dep keleke etti”, — deidi ol.
Áiel bul jaǵdaiǵa bailanysty politsiiaǵa, prokýratýraǵa jáne bilim basqarmasyna shaǵym túsirgen. Alaida memlekettik organdar jeke menshik balabaqshalardyń qyzmetine aralasa almaityndaryn alǵa tartyp, naqty kómek kórsete almaǵan.
Budan bólek, balabaqshada sanitarlyq talaptardyń saqtalmaǵanyn jáne ruqsatsyz jumys istep jatqanyn da aitqan. Onyń málimetinshe, mekeme sýbsidiiany bir filial arqyly alyp, al tólemaqyny basqa filial arqyly jinaidy.
Qala ákimi Jeńis Qasymbek bul jaitty jeke baqylaýyna alatynyn jetkizdi.
