Reseılik telejúrgizýshi Qyrǵyzstanda da orys tili shettetilip jatqanyn aıtty. Alaıda telejúrgizýshi telegramdaǵy jazbasyn keıin óshirip tastaǵan, - dep habarlaıdy Dalanews.kz tilshisi.

Kandelakıdiń sózinshe, Qyrǵyzstan bıligi bir jyldan beri Bishkektegi tórt aýdannyń atyn ózgertý boıynsha jumystar júrgizip jatyr eken.

"Bishkektegi aýdandarda KSRO kezinen saqtalǵan oryssha keremet ataýlarmen atalǵan: Pervomaıskıı, Oktábrskıı, Lenınskıı, Sverdlovskıı. Qyrǵyzstandyq depýtattar bul (aýdan ataýlaryn ózgertý) "ulttyq ıdeologıany nyǵaıtý, sondaı-aq, tarıhı dástúrler men qundylyqtar negizinde azamattardyń rýhanı-adamgershilik tárbıesin jaqsartý maqsatynda" dep usynyp otyr. Qyrǵyzstan halqynyń kóbi qyrǵyz tilinde emes, orys tilinde sóılese, qaıdaǵy ıdeologıa?! Bárin qıyndatýdyń ne qajeti bar?" - deıdi Tına Kandelakı jazbasynda.

Telejúrgizýshi jazbasynda dál osylaı Ýkraınada dekommýnızasıa bastalǵanyn, ol búkil orys tilinen bas tartý kompanıasyna aınalǵanyn aıtady.

Biraq Tına Kandelakı bul jazbasyn óshirip tastaǵan.

Buǵan deıin Tına Kandelakı Qazaqstanda orys tili shettetilip jatqanyn jazyp, qoǵamda qyzý talqyǵa túsken bolatyn. 

Qazaqstan Respýblıkasy Kólik mınıstrliginiń birqatar beket ataýyn ózgertý týraly sheshimin reseılik telejúrgizýshi osylaı qabyldaǵan. Kandelakı mysal retinde "Ýralsk" beketiniń ataýy "Oral", al "Ýzen" beketiniń ataýy "Jańaózen" bolyp ózgergenin keltirdi.