Eger basqa elge kóshýdi josparlasańyz - zeinetaqy jinaqtaryn alýdy umytpańyz, dep habarlaidy Dalanews.kz.
Mindetti zeinetaqy jarnalary (MZJ), mindetti kásibi zeinetaqy jarnalary (MKZJ) jáne erikti zeinetaqy jarnalary (ESJ) arqyly zeinetaqy jinaqtary bar Qazaqstannan ózge elge túpkilikti kóshken kóshken sheteldikter men azamattyǵy joq adamdar BJZQ-dan zeinetaqy tólemderin alýǵa quqyly. Bul úshin Qazaqstan zańnamasyna sáikes qujattardy usyný qajet.
Tólemdi rásimdeý joldary:
Jeke kýálik pen banktik shotyńyzdyń rekvizitteri arqyly BJZQ keńsesine kelip ótinish berý.
Turaqty kóshken adamnyń ókili (senimhat alǵan tulǵa) BJZQ keńsesine qujattardy tapsyra alady.
Qujattardy BJZQ filialdarynyń birine poshta arqyly jiberý múmkindigi qarastyrylǵan.
BJZQ saitynda qujattardyń tizimi, olardyń resimdelý talaptary, ótinish blankileri men senimhat úlgileri ornalastyrylǵan. Sondai-aq «Zeinetaqy tólemderin aldyn ala tekserý» elektrondy qyzmeti arqyly qujattardy tekserýge bolady.
Mańyzdy: Zeinetaqy jinaqtary tek ótinish berýshiniń banktik shotyna aýdarylady. Ókildiń, qamqorshynyń shotyna tólem jasalmaidy.
