Depýtat Azamat Aitqojinniń sýreti bar blokbeket Astananyń ońtústik kireberisinde paida boldy, - dep habarlaidy Dalanews.kz.
"Jańa adamdar" telegram arnasynyń málimetinshe,mundai blokbeketti ornatýǵa depýtattyń "ońtústik óńirlerden ótken ómiri belgisiz adamdar keledi" degen málimdemesi sebep bolǵan.
"Aithojin "qalaǵa kireberiste bloekbeketter qoiatyn ýaqyt keldi" dep sanaidy. Óitkeni onyń sózinshe, Astanaǵa "kim kóringen keldi". "Tilge Saqtyq" jobasy depýtat Azamat Aithojinniń qalaǵa kireberiste blokbeketin ornatyp, astanalyqtarǵa popýlizm shyn máninde qandai bolatynyn kórsetýge uiǵardy", - dep jazylǵan arna málimetinde.
Sonymen qatar, Prezident Qasym-Jomart Toqaev elge tanymal tulǵalardy aitqan sózine saq bolýǵa shaqyrǵany, alaida qazaqstandyqtar mundai málimdemelerge jaýap bermeitini aitylǵan.
Al blokbekettiń ózinde "Popýlizm shynaiy ómirde. A.Aithojin atyndaǵy blokbeket. Toqta! Bizdiń sizdiń ótken ómirińizdi bilmeimiz. Kim kóringenge kirýge tyiym salynǵan", - dep jazylypty.
Aita keteiik, buǵan deiin Astana máslihatynyń depýtaty Azamat Aithojin bas qaladaǵy qylmys deńgeiin tómendetý jáne kóshi-qon aǵynyn baqylaýdyń "biregei" tásilin usynǵany qyzý talqyǵa tústi. Onyń paiymynsha, ol úshin elordaǵa kire beriske baqylaý-ótkizý beketterin ornatý kerek.
