Belgili jazýshy, tarihshy Qoishyǵara Salǵarauly eks prezident Nursultan Nazarbaevty kezinde maqtap, búgingi kúni dattap júrgender týraly pikir bildirdi, - dep habarlaidy Dalanews.kz.
"Kezinde ait. Sonda sen Nazarbaevty syilaityn ediń, sonda Nazarbaev ózi siiaqty jemqorlardy jinamaityn edi. Amal joq, túzeletin edi. Men qazir kezinde aittym desem maqtanǵan siiaqty bolamyn. Óitkeni oǵan kýá adam joq. Osy danyshpandar kezinde nege aitpady? Kezinde men aittym. Qudai kórip tur ǵoi, betimnen qaǵyp kórgen joq. Erkeletti, tyńdady.
"Qazaqtyń tarihy Qytaida jatyr deidi, soǵan sen bar" degen. Qytaiǵa barǵan saparynda kelisip kelip, bir adamdy jiberemin degen - Nazarbaev. Úsh aýdarmashyny daiyndap, kóligimen jibergen – Nazarbaev", - deidi tarihshy Bilgen Durys YouTube-arnasyna bergen suhbatynda.
Qoishyǵara Salǵarauly Nazarbaev bilikte bolǵan jyldary ol týraly ártúrli sóz aitylǵanyn jetkizdi.
"Alǵashqy 5-10 jylda "Qudai bizdiń baǵymyzǵa bergen adam" boldy. Sodan keiingi on jylda "ózi jaqsy, biraq tóńiregi tolǵan ońbaǵan ǵoi" dedi. Sodan keiingi on jylda "qý sóz ǵoi" dedi. Halyqtyń bergen baǵasy", - deidi jazýshy.
Aita keteiik,buǵan deiin memleket qairatkeri, ǵalym Jaqsybek Qulekeev eks prezident Nursultan Nazarbaevty keshirýdi suraǵan bolatyn.
"Elbasy da pende, ol da áke. Ol da ata. Nemere, shóbere súiip otyr. Otbasynyń ainalasyndaǵylarǵa qatysty qoǵamda aitylyp jatqan pikirlerge o kisi alańdamaidy eken, qynjylmaidy eken dep aitý óte qiyn. Ol da et pen súiekten jaralǵan adam ǵoi. Menińshe, o kisini dál qazir tabalaýdyń qajeti joq. Qolymyzdan keletin bolsa, egemendik úshin, keleshek urpaq úshin o kisiniń jaqsy atyn saqtap qalǵan durys.
Elbasy men onyń ainalasynda júrgen adamdardyń ozbyrlyǵyn nemese qylmystyq áreketin bólip qaraǵan jón dep oilaimyn. Prezidenttiń ustap otyrǵan saiasaty da sondai. Memleket úshin, bolashaq urpaqtar úshin, egemendiktiń týyn berik qylý úshin Nazarbaevtyń atqarǵan róli óte joǵary. O kisini qazir qorlaityn bolsaq, ol – egemendikti qorlaǵanmen birdei nárse.
Sondyqtan bul turǵyda men halyqtyń elbasyǵa keshirimdi bolǵanyn qalar edim. Al otbasynyń jaqyn músheleri men otbasyǵa jaqyn azamattar, jaqyndyǵy bolmasa da sol kisiniń janynda júrip kóp paidasyn kórgen azamattar bar. Solardyń isin keshirý-keshirmeý jasaǵan is-áreketterine, qylmysyna bailanysty", - dedi Qulekeev.
