Keiingi kezde qazaqtar ov, ev, in (ova, eva, ina) dep aiaqtalatyn tekterden aryla bastaǵan. Ulttyq statistika biýrosy esimder men tekterge qatysty qyzyq statistika júrgizdi, - dep habarlaidy Dalanews.kz.
Qazaqstanda 10 000-nan asa ret 69 qazaq tegi kezdesedi. Osylaisha, qazaqtyń alǵashqy tekter úshtigine Ahmetov (56 myń), Serik (39 myń), Omarov (36 myń) kirip otyr.
Qazaqtar arasynda ov, ev, in (ova, eva, ina) bolyp aiaqtalǵan tekter úlesi 64 paiyz bolady. Alaida ár jyly týǵandardyń tekterin taldaǵanda, mundai tekterdiń úlesiniń azaiý dinamikasy baiqalǵan.
Sondai-aq, kóptegen qazaqstandyq -vich, -vna degennen góri uly/qyzy degenge kóship jatyr.
10 000-nan asa ret 136 er jáne 146 áiel esimderi kezdesedi. Osylaisha, er adamdar arasynda eń tanymal esimder Azamat (63 myń adam), Serik (53 myń adam), Marat (50 myń adam), áielderde – Arýjan (73 myń adam), Madina (59 myń adam), Dinara (59 myń adam) boldy.
Erler men áielder arasynda bir mezgilde tanymal bolǵan esimder – Baqyt pen Sáýlet. Erlerge de, áielderge de tán esimderi bar adam sany – 585 myń.
Qazaq er esimderine eń kóp jalǵanǵan sózder – "bai", "bek", "jan", "han". "Bek" ótken ǵasyrda óte tanymal bolǵanymen, 2000-shy jyldardan keiin báseńdei bastady. Bul rette quramynda "han" sózi bar esimder sońǵy 30 jyl boiy turaqty túrde ósip keledi.
