Elimizde keıbir sanattaǵy adamdarǵa nesıe berý zańmen shektelmek. Bul týraly Senattaǵy brıfıńte Qarjy naryǵyn retteý jáne damytý agenttigi tóraǵasynyń orynbasary Oljas Qızatov málimdedi, dep habarlaıdy Dalanews.kz.
Qaýipti qaryz alýshylarǵa shekteý qoıylady
Qızatovtyń aıtýynsha, qarjylyq táýekelderdiń aldyn alý maqsatynda bazalyq lısenzıasy bar bankterge birqatar operasıalardy júrgizýge tyıym salý kózdelip otyr. Atap aıtqanda:
Qazaqstan rezıdenti bolyp tabylmaıtyn azamattarǵa (sheteldikterge) nesıe berý;
Banktiń basshylyǵymen nemese quryltaıshylarymen erekshe baılanysy bar tulǵalarǵa qaryz berý shektelmek.
– Biz bazalyq lısenzıasy bar bankter úshin táýekeli joǵary keıbir operasıalarǵa shekteý qoıamyz. Sonyń ishinde bankpen erekshe baılanysy bar tulǵalarǵa nesıe berý de bar. Zańnamada mundaı tulǵalardyń kimder ekeni naqty jazylǵan. Ekinshi deńgeıli bankter ár toqsan saıyn mundaı affılıırlengen tulǵalar týraly esep tapsyrady, – dedi Oljas Qızatov.
Mundaı shekteýler bankterdiń ishki táýekelin azaıtýǵa jáne qarjy turaqtylyǵyn nyǵaıtýǵa baǵyttalǵan.
