Qazaqstanda respýblıkalyq mańyzy bar birqatar aqyly avtojol ýchaskelerinde jol jamylǵysynan anyqtalǵan aqaýlarǵa baılanysty jolaqy alý ýaqytsha toqtatyldy, dep habarlaıdy Dalanews.kz.

Resmı málimetke sáıkes, bul shara 14 aqyly jol ýchaskesine qatysty. Aqaý anyqtalǵan jol bólikteriniń jalpy aýmaǵy shamamen 1,1 mln sharshy metrdi quraıdy. Kórsetilgen ýchaskelerde jolaqy tolyq qalpyna keltirý jumystary aıaqtalǵanǵa deıin alynbaıdy.

Tólemdi ýaqytsha toqtatý 2026 jylǵy 29 qańtardan bastap kúshine endi. Joldaǵy kemshilikterdi joıý jumystary aýa raıy qolaıly bolǵan kezde, bıylǵy jol-qurylys maýsymynda bastalady dep josparlanǵan.

Jol jamylǵysyndaǵy aqaýlarǵa baılanysty aqy mólsheri ózgertilgen aqyly avtojol ýchaskeleriniń tizimi:

1. Kókshetaý – Petropavl
2. Pavlodar – Semeı – Qalbataý
3. Pavlodar – Omby
4. Astana – Temirtaý
5. Almaty – Qonaev
6. Qonaev – Taldyqorǵan
7. Shymkent – Qyzylorda
8. Oral – Samara
9. Oral – Saratov
10. Astana – Pavlodar
11. Qyzylorda – Aral
12. Aqtóbe – Orynbor
13. Qostanaı – Troısk
14. Taraz – Qaınar

Quzyrly organdardyń málimetinshe, jol jóndeý jumystary aıaqtalǵannan keıin ǵana bul ýchaskelerde jolaqy alý qaıta jandanady.