Alaida ashýly halyqtyń aldynda jarytyp sóilei almaidy. Aqyry, "aitarymdy aittym. Al endi "Ket!" dep aiǵailańdar" degen Lýkashenko sahnadan ketip tyndy.
Sol-aq eken álgiden beri áreń turǵan jumysshylar dúr etip kóterilip, "Ket! Ket!" degen aiǵaiǵa basty.
Lýkashenko bul kezdesýge ulyn ertip keldi. Zaýyttyń aýmaǵyn politseiler qorshap tastady. Tirkeýden ótpegen jýrnalisterge kezdesýge kirýge tyiym salyndy.
Sahnaǵa kóterilgen Batkany jumysshylar "Ket! Ket, eshe ket!" dep qarsy aldy. Lýkashenkonyń halyqtyń qaharynan qaimyǵyp, beti qaityp qalǵany sezilip turdy. Belarýs basshysy óz quziretin bólisýge ázir ekendigin málimdedi.
"Biraq bul kóshedegi beibastyq nemese qysym arqyly júrgizilmeýi kerek. Konstitýttsiiany kim kóringenge bere salýǵa bolmaidy. Sońynda sorlap qalamyz" – dedi Lýkashenko.
Sarapshylar Batkanyń sózin san-saqqa júgirtýde. Kópshiliktiń oiynsha prezident osy arqyly oppozitsiia ókilderimen ústel basynda júzdesýge ázir ekenin ańǵartty.
Belarýstegi narazylyqtyń óristegenine osymen segizinshi kún. Halyq prezident sailaýynyń ádil ótkenine senbeidi. Lýkashenko 80 paiyz daýys jinaǵan-tyn.
Sailaýdan keiin eldegi óndiris oryndarynyń júzdegen, myńdaǵan jumysshy óre túregelip, ereýilge shyqqan elge qoldaý bildirdi. Uiaty bar tilshiler eldegi memlekettik arnalardan aryz jazyp, óz erkimen ketýde.
Lýkashenko Belarýstegi zaýyt jumysshylarynyń narazylyǵyn biliktiń "arqasyna qadalǵan qanjarǵa" teńedi.
https://www.youtube.com/watch?v=nG4fi75a9ik
https://www.youtube.com/watch?v=HYG060KQzN4
