الايدا اشۋلى حالىقتىڭ الدىندا جارىتىپ سويلەي المايدى. اقىرى، "ايتارىمدى ايتتىم. ال ەندى "كەت!" دەپ ايعايلاڭدار" دەگەن لۋكاشەنكو ساحنادان كەتىپ تىندى.
سول-اق ەكەن الگىدەن بەرى ارەڭ تۇرعان جۇمىسشىلار ءدۇر ەتىپ كوتەرىلىپ، "كەت! كەت!" دەگەن ايعايعا باستى.
لۋكاشەنكو بۇل كەزدەسۋگە ۇلىن ەرتىپ كەلدى. زاۋىتتىڭ اۋماعىن پوليسەيلەر قورشاپ تاستادى. تىركەۋدەن وتپەگەن جۋرناليستەرگە كەزدەسۋگە كىرۋگە تىيىم سالىندى.
ساحناعا كوتەرىلگەن باتكانى جۇمىسشىلار "كەت! كەت، ەشە كەت!" دەپ قارسى الدى. لۋكاشەنكونىڭ حالىقتىڭ قاھارىنان قايمىعىپ، بەتى قايتىپ قالعانى سەزىلىپ تۇردى. بەلارۋس باسشىسى ءوز قۇزىرەتىن بولىسۋگە ءازىر ەكەندىگىن مالىمدەدى.
"ءبىراق بۇل كوشەدەگى بەيباستىق نەمەسە قىسىم ارقىلى جۇرگىزىلمەۋى كەرەك. كونستيتۋتسيانى كىم كورىنگەنگە بەرە سالۋعا بولمايدى. سوڭىندا سورلاپ قالامىز" – دەدى لۋكاشەنكو.
ساراپشىلار باتكانىڭ ءسوزىن سان-ساققا جۇگىرتۋدە. كوپشىلىكتىڭ ويىنشا پرەزيدەنت وسى ارقىلى وپپوزيسيا وكىلدەرىمەن ۇستەل باسىندا جۇزدەسۋگە ءازىر ەكەنىن اڭعارتتى.
بەلارۋستەگى نارازىلىقتىڭ ورىستەگەنىنە وسىمەن سەگىزىنشى كۇن. حالىق پرەزيدەنت سايلاۋىنىڭ ءادىل وتكەنىنە سەنبەيدى. لۋكاشەنكو 80 پايىز داۋىس جيناعان-تىن.
سايلاۋدان كەيىن ەلدەگى ءوندىرىس ورىندارىنىڭ جۇزدەگەن، مىڭداعان جۇمىسشى ورە تۇرەگەلىپ، ەرەۋىلگە شىققان ەلگە قولداۋ ءبىلدىردى. ۇياتى بار تىلشىلەر ەلدەگى مەملەكەتتىك ارنالاردان ارىز جازىپ، ءوز ەركىمەن كەتۋدە.
لۋكاشەنكو بەلارۋستەگى زاۋىت جۇمىسشىلارىنىڭ نارازىلىعىن بيلىكتىڭ "ارقاسىنا قادالعان قانجارعا" تەڭەدى.
https://www.youtube.com/watch؟v=nG4fi75a9ik
https://www.youtube.com/watch؟v=HYG060KQzN4
