Ártis sýretshiden qoǵam aldynda keshirim suraýyn talap etip otyr. Bul týraly Tengrinews.kz tilshisine onyń zańgeri Amanbol Ábeýov habarlady. Alaida Dilmanov keshirim suraýǵa úzildi-kesildi qarsy eken.
Murat Dilmanovtyń sýretinde er adam tósekte otyr, al áieli ar jaǵynda jalańash jatyr. Biraq sýrette Qydyráli Bolmanov beinelengen dep esh jerde aitylmaǵan. Desek te, advokat Ábeýov sot arqyly aqsha óndirýge nietti.
«Bul karikatýranyń avtoryn jaýapkershilikke tartýǵa jetkilikti negiz bar jáne sýrette aitylǵan oi qorlaý máninde. Qydyráliniń beinelengeni mamandarsyz-aq túsinikti. Biraq men materialdy sarapshylarǵa jiberdim, olar osy karikatýrany zertteidi (…)
Qydyráli tósekte jatqan áieldiń aldynda otyr. Biz ol áieldiń Qaraqat ekenin boljaimyz, munda qorlaý sipatyndaǵy belgiler bar.
Osy jaǵdaida olardyń balalaryna moraldyq aýyrtpashylyqtar túsýi múmkin — olardyń anasy jalańash kórsetilgen. Al eger ol Qaraqat bolmasa, basqa áiel bolsa, mundai jaǵdaida da jaýapqa tartýǵa bolatyn belgiler bar — bul degenińiz sýretshi Qydyrálini ashynasymen jatty dep kórsetken degen sóz. Bul — jeke ómirge qolsuǵýshylyq. Biz sýretshiden osy sýretti jariialaǵan alańda muny joqqa shyǵarýdy jáne keshirim suraýyn talap etemiz. Sonymen qatar, osy sýretti jelide jariialaǵandarǵa sotqa deiingi shaǵym túsirdim, kóbisi óshirip jatyr», — dedi zańger.
