Air Astana áýe kompaniiasynyń reisi bir táýlikke keshigip, shoýmen Artem Primak pen didjei Ian Pinchýk Astanaǵa ýaqytynda jete almaǵan. Sonyń saldarynan olar elordadaǵy meiramhanada josparlanǵan is-sharany ótkize almai qaldy, dep habarlaidy Dalanews.kz.
Oqiǵa 2024 jyly bolǵan. Óner ieleri Grýziiadan arnaiy shaqyrtýmen kelgen. Uiymdastyrýshylarmen jasalǵan kelisimshartta kontsert ótpegen jaǵdaida aiyppul qarastyrylǵan. Reis keshigýine bailanysty keshke qatysa almaǵan soń, uiymdastyrýshy kompaniia olardy sotqa berip, ótemaqy talap etken. Nátijesinde taraptar bitimge kelip, árqaisysy 1 mln teńgeden astam qarjy tólegen.
Keiin Primak pen Pinchýk bul somany Air Astana-dan óndirý úshin sotqa júgindi. Isti qaraǵan sýdia reistiń ushqyshtyń aýyryp qalýyna bailanysty keshikkenin anyqtaǵan. Sot muny fors-major jaǵdaiy dep tanymaǵan jáne jaýapkershilik tolyqtai áýe tasymaldaýshyǵa júktelgen.
Sot sheshimimen Air Astana ár talapkerge 1 165 824 teńgeden materialdyq shyǵyndy, shamamen 100 myń teńge aiyppuldy jáne memlekettik baj shyǵyndaryn óteýge mindetteldi.
Sheshim áli zańdy kúshine engen joq.
