Dastarhan basynda aıtylǵan án Aıdostyń jolyn ashty. Ol qalyń jurtqa qoıshy bala esimimen tanys. Laqap aty tegin emes. Buryn tek mal baǵyp júrip án aıtsa, búginde kásibı óner jolyna bet burǵan.
Kórshimizdiń úıine jaılaýǵa kókke shyǵamyz dep qaladan qonaqtar kelgen. Aıdos ótip bara jatqanda, úıge qonaqtar kelip jatyr dep shaqyryp alǵan. Bir-eki án aıtyp bergen. Tyńdaǵandar týystaryna jibergen, osylaı taralyp ketken. Aǵalarymyz bizge jibergen. Ózimiz tańyrqap qaldyq, - deıdi ákesi Keden Isa.
Qoıshy balanyń qońyr úni kez kelgen adamdy baýrap, ózine elitip jiberedi. Jastaıynan ónerge jaqyn bozbala búginde ánshi bolýdy qalaıdy.
Men negizi bala kezimde ánshi bolam dep armandadym. 3 jasymnan bastap án aıta bastadym, - deıdi Aıdos Keden.
Aıdos 9-synypta oqıdy. Jasy – on tórtte. Qazaq ádebıeti, tarıh pándárin jaqsy kóredi. Poezıaǵa jaqyn. Búginde Aıdostyń maqsaty – aıqyn, talǵamy – bıik. Ol óziniń baǵytyn da baǵamdap úlgergen.
Maǵan negizinde dástúrli ánder unaıdy. Qazir ózi tanylý ońaı boldy. Qazaq elinde oǵan múmkinshilik bar. Ánshilik qanmen kelgen óner, - deıdi Aıdos Keden.
Áleýmettik jeli paıdalanýyshylary jas qoı, "toıǵa shyǵyp, án aıtyp qajeti joq" dep shýlaýda. Aıdostyń aıtýynsha, jelidegi toıda án aıtyp turǵan vıdeo týys aǵasynyń toıynda túsirildi. Ol ánshilik qabiletin nápaqy tabýǵa paıdalanbaq emes.
Aıdostyń vıdeosy taralǵannan keıin Jiger Aýypbaev oǵan qol ushyn sozyp, shákirti etken.
Dalanyń balasynan sahna juldyzyna aınalǵan qoıshy balanyń oqıǵasyn "Kóremizden" kórińiz:
https://youtu.be/X3z03sCy-ZI
