Jiyndy Kerbulaq aýdanynyń ákimi Sarybaev Ǵaliasqar Tólendiuly ashty. Shara barysynda aýdanǵa eńbegi sińgen birqatar sala mamandary aýdan ákiminiń «Alǵys hatymen» jáne aýdandyq «Nur Otan» partiiasynyń «Alǵys hatymen» marapattaldy.
Jiynǵa «Nur Otan» partiiasynyń Almaty oblystyq filialy tóraǵasynyń orynbasary Nurqadyrov Serik Nurqadyruly jáne Dolanaly aýylynyń týmasy akterTazabekov Orynbasar Halyqbaiuly qatysty.
Shuǵylaly kóktem aiynyń alǵashqy kúni «Nur Otan» partiiasynyń, Qazaqstan halqy assambleiasynyń qurylǵan kúni jáne birlik pen kelisimdi aiqyndaǵan – «Alǵys aitý» kúni atalyp ótildi.
1999 jyldan beri partiia jylynamasyna altyn áriptermen jazylǵan Partiia kúnin atap ótý igi dástúrge ainaldy.
«Nur Otan» partiiasy – elimizdiń qarqyndy damyp, órkendeýin maqsat tutqan partiia, jetekshi saiasi kúsh.
2021 jyl úlken saiasi naýqandarmen bastaldy. Sailaý ótti, barlyq dengeidegi ákimder turǵyndar aldynda esepterin berdi, josparlaryn bekitti.
Kerbulaq aýdanynyń 30 780 elektorattyń 90,8% sailaýǵa qatysty. Sailaýdyń qorytyndysy boiynsha kúreńbeldikterdiń 91,6 paiyzy «Nur Otan» partiiasyna daýys berdi.
Nátijesinde aýdandyq máslihattyń 13 depýtatynyń 12-i «Nur Otan» partiiasynyń múshesi. Bul sailaýshylarymyzdyń partiiaǵa degen senimi.
"Sizderdi saiasi naýqanǵa qatysqandaryńyz úshin alǵysymdy bildiremin. Belsendi qatysqan ardagerlerge, ziialy qaýymǵa jáne jastarǵa rizashylyǵym zor. Sizder elimizdiń bolashaǵy úshin daýys berdińizder", - dedi aýdan ákimi Ǵaliasqar Sarybaev.
Taǵylymy kemel, mazmuny tereń Alǵys kúniniń ereksheligi de sol tarihi taǵdyry ortaq, bolashaǵy birtutas halqymyzdyń bir-birine súiispenshiligin, yqylasyn, shynaiy razylyǵyn bildirip, qurmet tutýy bolyp tabylady.
Deportatsiia jyldary Almaty oblysy millionǵa jýyq qonys aýdarýshylardy qabyldady. Onyń ishinde Kerbulaq aýdanyna 27 ulys pen etnostardyń ókilderi qonystandy.
Kúreńbel óńiriniń halqy da birligi bekem, bolashaǵy nurly, keleshegi kemel, tarihy tereń, jaisańdardyń ólkesi.
Búgingi kúni merekeni qarsy alyp otyrǵan 27 ult ókilderi aýdanymyzdyń maqtanyshy, birligimizdiń myzǵymas kepili.
Alǵys aitý kúni – barlyq azamattardyń bir-birine qurmet kórsetetin kúni.
Biyl qasterli Táýelsizdigimizge 30 jyl tolady.
Bul – qaita jańǵyrǵan qazaq memlekettiginiń, ata-babalarymyz ańsaǵan azattyqtyń tuǵyry nyǵaia túskenin áigileitin mańyzdy beles.
Qaiyrymdylyq, imandylyq, meiirimdilik, baýyrmaldyq,- degen ustamdar bizder úshin árqashan joǵary bolǵan, bolady da.
Bizdiń aýdanymyz mádeniet pen ónerdiń, bilim men ǵylymnyń oshaǵy. Oǵan dálel, aǵa býyn, ziialy qaýym Rahmetbai Tóleýbaev, Gúljamal Qazaqbaeva, Toqsyn Qulybekov, Beisen Quranbek, Jeksenbaev Janǵazy, Shakarov Baýyrjan sekildi aǵa-ápkelerimizdiń jolyn jalǵastyryp kele jatqan azamattarymyz barshylyq.
Qazaqstan Respýblikasynyń 30 jyldyq mereitoiy qarsańynda, kóktemniń alǵashqy qýanyshtyń shýaǵy shashylǵan kúnińde aýdanymyzdyń qara shańyraǵy Ábiken Sarybaev atyndaǵy mádeniet úiiniń janynan «Teatr» ashyldy.
Jiyn sońynda is-sharaǵa qatysýshylar teatr qyzmetkerleriniń uiymdastyrýymen aqiyq aqyn, Muqaǵali Maqataevtyń 90 jyldyǵyna orai, «Qosh, mahabbat!» qoiylymyn tamashalady. Qoiylymǵa Almaty oblystyq drama teatrynyń rejisseri Ahmetov Ulan Joldasbekuly jetekshilik etti. Qoiylym sońynda, ártisterge aýdan ákiminiń yqylas gúli tabystalyp, kórermen qoshemetine ie boldy.
Basty róldi somdaǵan Móldir Imanmadi: "Bul birinshi ret endi mektep qabyrǵasynda ýniversitet qabyrǵasynda sahnada shaǵyn qoiylymdar qoiǵanbyz biraq osy aýdan kólemindegi bul oblys kóleminde júzege asyrylyp jatqan teatrda oinaý men úshin ol úlken qurmet, qańtar aiynan beri qarai eki ai ýzdiksiz kúndelikti daiyndaldyq", - dedi.
Aýdan turǵyny Záýre Ahmetkalieva: "Biz endi buryn Taldyqorǵanǵa baryp kórip jýretinbiz teatrdy endi ondai qajettiligi kerek emes aýdanymyzda búgin ashylyp jatqan teatrǵa óte qýanyshtymyz, endi óz aýdanymyzda kóremiz,aýdan halqyna búgingi kún óte qýanysh syilap jatyr rahmet úlken kóp-kóp", - dep óz qýanyshymen bólisti.
Sonymen qatar, jaqyn arada Shoqan aýylynyń mádeniet úiine Bazarbaev Igibai atamyzdyń esimi beriletin bolady.
Biylǵy jyly aýdanymyzda 51 jobaǵa jetkilikti qarjy bólindi.
Oblys ákimi Batalov Amandyq Ǵabbasulynyń qoldaýymen Saryózek aýylynda emhana, 50 páterli úi, óner mektebi, saiajai salynatyn bolady.
Kerbulaq aýdany ákimdiginiń baspasóz qyzmeti
