جيىندى كەربۇلاق اۋدانىنىڭ اكىمى سارىبايەۆ عالياسقار تولەندى ۇلى اشتى. شارا بارىسىندا اۋدانعا ەڭبەگى سىڭگەن ءبىرقاتار سالا ماماندارى اۋدان اكىمىنىڭ «العىس حاتىمەن» جانە اۋداندىق «Nur Otan» پارتياسىنىڭ «العىس حاتىمەن» ماراپاتتالدى.
جيىنعا «Nur Otan» پارتياسىنىڭ الماتى وبلىستىق فيليالى ءتوراعاسىنىڭ ورىنباسارى نۇرقادىروۆ سەرىك نۇرقادىر ۇلى جانە دولانالى اۋىلىنىڭ تۋماسى اكتەرتازابەكوۆ ورىنباسار حالىقباي ۇلى قاتىستى.
شۇعىلالى كوكتەم ايىنىڭ العاشقى كۇنى «Nur Otan» پارتياسىنىڭ، قازاقستان حالقى اسسامبلەياسىنىڭ قۇرىلعان كۇنى جانە بىرلىك پەن كەلىسىمدى ايقىنداعان – «العىس ايتۋ» كۇنى اتالىپ ءوتىلدى.
1999 جىلدان بەرى پارتيا جىلىناماسىنا التىن ارىپتەرمەن جازىلعان پارتيا كۇنىن اتاپ ءوتۋ يگى داستۇرگە اينالدى.
«Nur Otan» پارتياسى – ەلىمىزدىڭ قارقىندى دامىپ، وركەندەۋىن ماقسات تۇتقان پارتيا، جەتەكشى ساياسي كۇش.
2021 جىل ۇلكەن ساياسي ناۋقاندارمەن باستالدى. سايلاۋ ءوتتى، بارلىق دەنگەيدەگى اكىمدەر تۇرعىندار الدىندا ەسەپتەرىن بەردى، جوسپارلارىن بەكىتتى.
كەربۇلاق اۋدانىنىڭ 30 780 ەلەكتوراتتىڭ 90،8% سايلاۋعا قاتىستى. سايلاۋدىڭ قورىتىندىسى بويىنشا كۇرەڭبەلدىكتەردىڭ 91،6 پايىزى «Nur Otan» پارتياسىنا داۋىس بەردى.
ناتيجەسىندە اۋداندىق ءماسليحاتتىڭ 13 دەپۋتاتىنىڭ 12ء-ى «Nur Otan» پارتياسىنىڭ مۇشەسى. بۇل سايلاۋشىلارىمىزدىڭ پارتياعا دەگەن سەنىمى.
"سىزدەردى ساياسي ناۋقانعا قاتىسقاندارىڭىز ءۇشىن العىسىمدى بىلدىرەمىن. بەلسەندى قاتىسقان ارداگەرلەرگە، زيالى قاۋىمعا جانە جاستارعا ريزاشىلىعىم زور. سىزدەر ەلىمىزدىڭ بولاشاعى ءۇشىن داۋىس بەردىڭىزدەر"، - دەدى اۋدان اكىمى عالياسقار سارىبايەۆ.
تاعىلىمى كەمەل، مازمۇنى تەرەڭ العىس كۇنىنىڭ ەرەكشەلىگى دە سول تاريحي تاعدىرى ورتاق، بولاشاعى ءبىرتۇتاس حالقىمىزدىڭ بىر-بىرىنە سۇيىسپەنشىلىگىن، ىقىلاسىن، شىنايى رازىلىعىن ءبىلدىرىپ، قۇرمەت تۇتۋى بولىپ تابىلادى.
دەپورتاسيا جىلدارى الماتى وبلىسى ميلليونعا جۋىق قونىس اۋدارۋشىلاردى قابىلدادى. ونىڭ ىشىندە كەربۇلاق اۋدانىنا 27 ۇلىس پەن ەتنوستاردىڭ وكىلدەرى قونىستاندى.
كۇرەڭبەل ءوڭىرىنىڭ حالقى دا بىرلىگى بەكەم، بولاشاعى نۇرلى، كەلەشەگى كەمەل، تاريحى تەرەڭ، جايساڭداردىڭ ولكەسى.
بۇگىنگى كۇنى مەرەكەنى قارسى الىپ وتىرعان 27 ۇلت وكىلدەرى اۋدانىمىزدىڭ ماقتانىشى، بىرلىگىمىزدىڭ مىزعىماس كەپىلى.
العىس ايتۋ كۇنى – بارلىق ازاماتتاردىڭ بىر-بىرىنە قۇرمەت كورسەتەتىن كۇنى.
بيىل قاستەرلى تاۋەلسىزدىگىمىزگە 30 جىل تولادى.
بۇل – قايتا جاڭعىرعان قازاق مەملەكەتتىگىنىڭ، اتا-بابالارىمىز اڭساعان ازاتتىقتىڭ تۇعىرى نىعايا تۇسكەنىن ايگىلەيتىن ماڭىزدى بەلەس.
قايىرىمدىلىق، يماندىلىق، مەيىرىمدىلىك، باۋىرمالدىق،- دەگەن ۇستامدار بىزدەر ءۇشىن ءارقاشان جوعارى بولعان، بولادى دا.
ءبىزدىڭ اۋدانىمىز مادەنيەت پەن ونەردىڭ، ءبىلىم مەن عىلىمنىڭ وشاعى. وعان دالەل، اعا بۋىن، زيالى قاۋىم راحمەتباي تولەۋبايەۆ، گۇلجامال قازاقبايەۆا، توقسىن قۇلىبەكوۆ، بەيسەن قۇرانبەك، جەكسەنبايەۆ جانعازى، شاكاروۆ باۋىرجان سەكىلدى اعا-اپكەلەرىمىزدىڭ جولىن جالعاستىرىپ كەلە جاتقان ازاماتتارىمىز بارشىلىق.
قازاقستان رەسپۋبليكاسىنىڭ 30 جىلدىق مەرەيتويى قارساڭىندا، كوكتەمنىڭ العاشقى قۋانىشتىڭ شۋاعى شاشىلعان كۇنىڭدە اۋدانىمىزدىڭ قارا شاڭىراعى ابىكەن سارىبايەۆ اتىنداعى مادەنيەت ءۇيىنىڭ جانىنان «تەاتر» اشىلدى.
جيىن سوڭىندا ءىس-شاراعا قاتىسۋشىلار تەاتر قىزمەتكەرلەرىنىڭ ۇيىمداستىرۋىمەن اقيىق اقىن، مۇقاعالي ماقاتايەۆتىڭ 90 جىلدىعىنا وراي، «قوش، ماحاببات!» قويىلىمىن تاماشالادى. قويىلىمعا الماتى وبلىستىق دراما تەاترىنىڭ رەجيسسەرى احمەتوۆ ۇلان جولداسبەك ۇلى جەتەكشىلىك ەتتى. قويىلىم سوڭىندا، ارتىستەرگە اۋدان اكىمىنىڭ ىقىلاس گ ۇلى تابىستالىپ، كورەرمەن قوشەمەتىنە يە بولدى.
باستى ءرولدى سومداعان ءمولدىر يمانمادي: "بۇل ءبىرىنشى رەت ەندى مەكتەپ قابىرعاسىندا ۋنيۆەرسيتەت قابىرعاسىندا ساحنادا شاعىن قويىلىمدار قويعانبىز ءبىراق وسى اۋدان كولەمىندەگى بۇل وبلىس كولەمىندە جۇزەگە اسىرىلىپ جاتقان تەاتردا ويناۋ مەن ءۇشىن ول ۇلكەن قۇرمەت، قاڭتار ايىنان بەرى قاراي ەكى اي ۋزدىكسىز كۇندەلىكتى دايىندالدىق"، - دەدى.
اۋدان تۇرعىنى زاۋرە احمەتكالييەۆا: "ءبىز ەندى بۇرىن تالدىقورعانعا بارىپ كورىپ جۋرەتىنبىز تەاتردى ەندى ونداي قاجەتتىلىگى كەرەك ەمەس اۋدانىمىزدا بۇگىن اشىلىپ جاتقان تەاترعا وتە قۋانىشتىمىز، ەندى ءوز اۋدانىمىزدا كورەمىز،اۋدان حالقىنا بۇگىنگى كۇن وتە قۋانىش سىيلاپ جاتىر راحمەت ۇلكەن كوپ-كوپ"، - دەپ ءوز قۋانىشىمەن ءبولىستى.
سونىمەن قاتار، جاقىن ارادا شوقان اۋىلىنىڭ مادەنيەت ۇيىنە بازاربايەۆ يگىباي اتامىزدىڭ ەسىمى بەرىلەتىن بولادى.
بيىلعى جىلى اۋدانىمىزدا 51 جوباعا جەتكىلىكتى قارجى ءبولىندى.
وبلىس اكىمى باتالوۆ اماندىق عابباس ۇلىنىڭ قولداۋىمەن سارىوزەك اۋىلىندا ەمحانا، 50 پاتەرلى ءۇي، ونەر مەكتەبى، ساياجاي سالىناتىن بولادى.
كەربۇلاق اۋدانى اكىمدىگىنىڭ باسپا ءسوز قىزمەتى
