Qazaqstanda alǵash ret qolǵa alynǵan «Jastar korpýsyn damytý» jobasyna Kentaý qalasynan 18 joba iriktelip alynyp, 1 mln. teńge grant utyp aldy. Jas proekt jobasynyń A jáne S tobyna ótken jastar 9 bolsa, V tobyna ótken jastar 9 azamatty qurady.
A tobynyń qatysýshylaryna ómirlik mańyzy bar daǵdylardy damytý jáne jobalardy basqarý baǵdarlamasyna qatysý, sondai-aq óziniń kishi jobasyn grant esebinen iske asyrý, mentordyń qoldaýyn alý múmkindigi beriledi. Al, V tobynyń qatysýshylary grant esebinen óziniń jeke jobasyn iske asyrý múmkindigin alsa, S tobynyń qatysýshylary ómirlik mańyzy bar daǵdylardy damytý jáne jobalardy basqarý baǵdarlamasyna qatysý, mentordyń qoldaýyn alý múmkindigine ie bolady.
Kentaý qalasynan grant ielengen jobalardyń basym kópshiligi meditsinalyq massaj jáne trenajer zaly, qus fermasy, konditerlik, mal sharýashylyǵy, aǵylshyn tili klýby, shashtaraz, tigin sheberhanasy, ulttyq naqyshtaǵy sómke tigý men brain kitaby syndy jobalar bolyp keledi.
Jobalar boiynsha qatysýshylar 5 ai kóleminde shákirtaqymen jáne qaitarymsyz grantpen qamtamasyz etiledi.
Jastarǵa mol múmkindik beretin bul jobany QR Bilim jáne ǵylym ministrligi men Halyqaralyq qaita qurý jáne damý banki birlese júzege asyrýda. Maqsaty - jastardy áleýmettendirý, ásirese az qamtylǵan halyq tobyn qoǵamdyq paidaly isterge jumyldyra otyryp, yntalandyrý.
Atalǵan joba Qazaqstannyń 4 óńirinde, iaǵni, Ońtústik Qazaqstan, Almaty, Pavlodar jáne Qaraǵandy oblystarynyń aýmaqtarynda eki jyldyq pilottyq joba aiasynda júrgiziletin bolady.
