Sol qaýiptiń aldyn alý maqsatynda jer asty sýyn azaitýdy, sýdy birshama isterge paidalaný qolǵa alyndy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Kentaý qalasynda jer asty sýlaryn tómendetý júiesin salý jobasy qolǵa alyndy. Tartylǵan sý «Qosqorǵan» sý qoimasyna quiylady. Túrkistan óńirine qosymsha 70 mln m3 deiingi aǵyn sý jetkiziletin bolady. Biregei jobanyń barysyn baqylaý úshin Túrkistan oblysynyń ákimi Ómirzaq Shókeev Kentaý qalasynda joba jetekshilerimen kezdesti.
Burynǵy shahtaǵa túsetin ǵimarattyń ishine birneshe sýsorǵysh ornatyp, Kenshiler saiabaǵynda ornalasqan betondy aryqqa quiý arqyly qala ishimen alyp ótýdi qarastyrylýda. Joba júzege asqan jaǵdaida, Almatydaǵy "Vesnovka" ózeni ispettes, Kentaý kóshelerinen de móldir taza sý aǵyp ótetin bolady. Sonda Kentaý óziniń jasyl jelekti kelbetin saqtaidy, ári turǵyndarǵa jaily orta qalyptasady.
Jumys sapary barysynda oblys ákimi Kentaý qalasy men Túrkistan Halyqaralyq áýejaiynyń aralyǵyna deiingi ainalma joldyń qurylysymen tanysty. Mańyzdy jol keler jyly tolyǵymen aiaqtalady. Uzyndyǵy 24 shaqyrymdy quraityn jolǵa tas tóseý jumystary júrgizilýde. Kópten kútken qurylys jumysy aiaqtalǵan soń, kólik qatynasy rettelip, turǵyndardyń eldi mekenderge qatynasy jaqsarady.
Jolmen qatar qubyr ornatý, kópirdi qaita qurý, infraqurylym baǵytyn aýystyrý sekildi jumystar qatar júrip jatyr.
Aita keteiik, Kentaý qalasynda Elbasy men Memleket basshysynyń tapsyrmalaryna sáikes básekege qabiletti kólik infraqurylymyn qurý úshin qyzmet sapasy men tranzit jyldamdyǵyn attyratyn jańa infraqurylymdyq jobalar iske asyrylýda. Oblys basshysy mańyzdy joldyń jan - jaǵyna kóshetter otyrǵyzyp, abattandyrýdy mindettedi.
