Aldymen aımaq basshysy Oranǵaı aýyldyq okrýgindegi «Ál-Bereke» aýyl sharýashylyǵy óndiristik kooperatıvine aıaldady. 2016 jyly qurylǵan nysan kókónis jáne jemis-jıdekterdi qaıta óńdeý, saqtaý jáne daıyn ónimdi ótkizý sharýalaryn atqarýǵa baǵyttalǵan. Kooperatıvtiń jalpy jer kólemi - 300 gektardy quraıdy. Onda 50 gektar alma baýy, 30 gektar júzim, 40 gektar alhory, 40 gektar abrıkos, 140 gektar baqsha, kókónis daqyldary egilgen. 30 adam turaqty jumyspen qamtylǵan.
Mekeme jylyna 450 myń lıtr jemis-jıdek shyrynyn, 1500 tonna kókónis marınadyn, 1200 tonna tomat, alma, asqabaq ezbelerin daıyndaýǵa qaýqarly. Kooperatıvine 2018 jyldyń 11 aıynda jalpy sommasy 292 mln. teńgeni quraıtyn 1950 tonna taýar óndirgen. Onyń 1200 tonnasy ishki naryqqa ótkizilse, 750 tonnasy Reseı Federasıasyna eksporttalǵan.
Qazirgi tańda atalǵan mekeme aýyl sharýashylyq daqyldaryn alý jóninde jalpy jer kólemi 350 gektar quraıtyn 7 aýyl sharýashylyq taýar óndirýshilerimen kelisim shart jasasqan.
Túrkistan oblysy ákiminiń baspasóz qyzmeti
