Qalalyq ekonomıkalyq bóliminiń málimetinshe jyl basynan beri halyq qajetine jaraıtyn nysandar paıdalanýǵa berilip, Kentaýdyń ajary ashylyp keledi.
Atap aıtar bolsa bilim salasy boıynsha Kentaýǵa qarasty Qarnaq aýylynda qazirgi kúni 300 oryndyq Ahyn-týma mektebiniń qurylys jumystary júrgizilip jatyr. Atalǵan nysan 2019 jyly paıdalanýǵa beriledi dep josparlanyp otyr. Jobanyń smetalyq quny 880 703,0 myń teńge.
Kóne mektep tar bolǵandyqtan munda dene shynyqtyrý páni ashyq aspan astynda ótedi. Sabaqty da tar bólmelerde qysylyp-qymtyrylyp oqyp keledi. Biraq balalar kóz aldarynda boı tiktep jatqan 300 oryndyq zamanaýı mektepti kórip baqytty bolashaqqa senimdi. Kentaý qalalyq qurylys bóliminiń mamandary da bilim uıasynyń sapaly bolýyn qadaǵalap keledi.
2018 jyly «№74 yqsham aýdanynda» jalpy quny 238,0 mln.teńgege ınjenerlik ınfraqurylym júıeleriniń qurylys jumystary júrgizilip, 147 turǵyn úı ınfraqurylymmen qamtyldy. Jalpy 4,48 shaqyrym elektr jelisi, 2,148 shaqyrym avtomobıl joly, 3,275 shaqyrym aýyz sý júıesi, 1,540 káriz júıesi júrgizilip jáne 2 dana transformator ornatyldy.
Budan bólek Q.Quralbaev atyndaǵy ortalyq stadıonyń qaıta qurý jumystary júrgizilýde. Jalpy quny 559,0 mln.teńge. Nysandy tolyǵymen jeltoqsan aıynda qabyldaý josparlanýda. Qurylys jumystarynyń kólemi10 aıynda 5 963,3 mln.teńgeni qurap, ótken jyldyń sáıkes kezeńimen salystyrǵanda 163% qurady (2017 jyldyń 10 aıynda– 2 172,4 mln. teńge)
