QR Konstitýtsiiasy kúni merekesi qarsańynda Kentaý qalasynyń turǵyndary jappai senbilikke shyǵyp, qalany kúl-qoqystan tazartty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Kentaý qalasy ákimi Jandos Tasovtyń tapsyrmasyna sáikes, qalanyń 6 aimaǵynda senbilik sharasy uiymdastyryldy. Oǵan qala kásipkerleri, tótenshe jaǵdai qyzmetkerleri, qalalyq emhana jáne aýrýhana qyzmetkerleri, bilim bólimine qarasty mekemeler, barlyq qala ákimdigine qarasty sala qyzmetkerlerinen quralǵan 2000- ǵa jýyq adam jumyldyryldy.
Tazalyq sharasy qaladaǵy Kenshiler saiabaǵynda, D.Qonaev dańǵyly, Kentaýǵa kirer tas jol boiy, T.Ryskulov kóshesi, Sport mektepteri, mektep jáne balabaqsha mekemeleriniń aýlalarynda ótkizildi.
Qalanyń tazalyǵyn saqtaýǵa, taza qala beinesin qalyptastyrýda kentaýlyqtar úzdiksiz atsalysyp keledi. Aldaǵy ýaqytta qala kóleminde mundai sharalar jalǵasady.
