Kentaý qalasyna jumys saparymen barǵan oblys ákimi Janseiit Túimebaev qurylys jumystaryn sapaly ári qysqa merzimde aiaqtaýdy tapsyrdy.
«Shikizattan tapshylyq kórmeimiz. Plastiktiń úsh túrin qaita óńdei alamyz. Eger ónimderimizge suranys artsa, ónim kólemi men jumysshylar sany da arta túspek», - deidi «Statýs everest» JShS- niń direktory Sanjar Súleimanov.
Kenshiler qalasynda biylǵy jyldyń shilde aiynda túrli-tústi metaldardyń kontsentratyn baiytatyn «Kentaý polimetall» JShS-gi óz jumysyn bastaǵaly otyr. Jobanyń jalpy quny 650 mln. teńgeni quraidy. Zattai túrdegi qýattylyǵy jylyna - 15000 tonna daiyn kontsentrat shyǵarý.
«Shikizat retinde Aqtóbe oblysynda ornalasqan «Iýbileinyi» altyn ken orny men Sozaq aýdanyndaǵy «Kúmisti» shashyrańqy altyn oryndarynyń rýdalaryn paidalanamyz. Investitsiialyq joba eki kezeńnen turady. Joba tolyǵymen júzege asyp, iske qosylǵanda «Qazmyrysh» AQ jáne «Qazaqmys» AQ qarasty óndiristik kásiporyndaryn daiyn ónimmen qamtamasyz etetin bolamyz», - deidi «Kentaý polimetall» JShS-niń injener –qurylysshysy Azamat Súleimenov.
Qazirgi tańda seriktestik «Myrǵalymsai» ken ornynyń burynǵy ǵimaratyn satyp alǵan. Búginde munda negizgi óndiristik tsehtardyń montajdaý jumystary júrgizilip jatyr.
«Kentaý qalasyndaǵy indýstrialdy múmkindikterdi tiimdi paidalanýymyz kerek. Ol úshin úzdik ǵylymi jobalardy ázirlep, burynǵy jumysy toqtap qalǵan ken oryndarynyń bolashaǵyn sarapqa salǵanymyz jón. Sondyqtan taiaý arada bul máseleni qaita qarap, naqty qadamdar jasaityn bolamyz», - dedi Janseiit Qanseiituly.
Qural-jabdyqtardyń basym bóligi Qytai elinen satyp ákelingen. Eger joba tolyǵymen iske assa, 110 adam turaqty jumyspen qamtylatyn bolady.
OQO ákiminiń baspasóz qyzmeti
