Ońtústik Qazaqstandaǵy Kentaý qalasynda «Astana kúni» merekesine orai jańa nysan paidalanýǵa berilip, balalarǵa arnalǵan shyǵarmashylyq úii ashyldy. Saltanatty jiynǵa qatysqan qala ákimi Á.Maqulbaev alǵy sózdi alyp, aýyl turǵyndaryn memlekettik mereke - Astana kúnimen quttyqtap ótti. Jiynǵa qala ákimi bastaǵan ziialy qaýymdar men máslihat depýtattary, ardagerler músheleri, aýyl turǵyndary qatysty.
Jańa nysannyń lentasyn 97 -jasqa kelgen UOS ardageri Hantaǵy aýylynyń turǵyny Oryntai Mahambetov qiyp, jaqsylyqqa bastar igi ister kóp bolsyn dep batasyn berdi. Jiynǵa qatysýshylar ashylý rásiminen soń ǵimaratty aralap, tanysyp shyqty.
Negizinen, atalǵan ǵimarat 1938 jyly "Ashysaitústimetal" kombinatynyń alǵashqy basqarý organdary ornalasqan ǵimarat retinde paidalanýǵa berilgen bolatyn. Bertin kele 1960 jyldardan bastap Hantaǵy aýylyndaǵy qyzmet kórsetý úiine ainalady. Osy ýaqytqa deiin ǵimarat bos turyp, qoldanýsyz keldi.
2016 jyly Hantaǵy aýyly ákimi apparaty basshylyǵynyń tiisti smetalyq qujattardy jasatýynyń nátijesinde, "Balalar shyǵarmashylyq úiine" jergilikti biýdjetten 58 000 000 mln. teńge qarjy qaralyp, kúrdeli jóndeý jumystary júrgizildi.
Osy jumystardyń atqarylýyna qala ákimi Á.Maqulbaev pen qalalyq máslihat depýtattarynyń tikelei yqpaly zor bolǵanyn aita ketý kerek. Búginde atalmysh ǵimarat aýyl turǵyndaryna qyzmet etý úshin esigin aiqara ashty. Endi bul ǵimaratta aýyl ákimdiginiń apparaty men mektep oqýshylaryna arnalǵan úiirmeler jumys jasaityn bolady.
