وڭتٷستٸك قازاقستانداعى كەنتاۋ قالاسىندا «استانا كٷنٸ» مەرەكەسٸنە وراي جاڭا نىسان پايدالانۋعا بەرٸلٸپ, بالالارعا ارنالعان شىعارماشىلىق ٷيٸ اشىلدى. سالتاناتتى جيىنعا قاتىسقان قالا ەكٸمٸ ە.ماقۇلباەۆ العى سٶزدٸ الىپ, اۋىل تۇرعىندارىن مەملەكەتتٸك مەرەكە - استانا كٷنٸمەن قۇتتىقتاپ ٶتتٸ. جيىنعا قالا ەكٸمٸ باستاعان زييالى قاۋىمدار مەن مەسليحات دەپۋتاتتارى, ارداگەرلەر مٷشەلەرٸ, اۋىل تۇرعىندارى قاتىستى.
جاڭا نىساننىڭ لەنتاسىن 97 -جاسقا كەلگەن ۇوس ارداگەرٸ حانتاعى اۋىلىنىڭ تۇرعىنى ورىنتاي ماحامبەتوۆ قيىپ, جاقسىلىققا باستار يگٸ ٸستەر كٶپ بولسىن دەپ باتاسىن بەردٸ. جيىنعا قاتىسۋشىلار اشىلۋ رەسٸمٸنەن سوڭ عيماراتتى ارالاپ, تانىسىپ شىقتى.
نەگٸزٸنەن, اتالعان عيمارات 1938 جىلى "اششىسايتٷستٸمەتال" كومبيناتىنىڭ العاشقى باسقارۋ ورگاندارى ورنالاسقان عيمارات رەتٸندە پايدالانۋعا بەرٸلگەن بولاتىن. بەرتٸن كەلە 1960 جىلداردان باستاپ حانتاعى اۋىلىنداعى قىزمەت كٶرسەتۋ ٷيٸنە اينالادى. وسى ۋاقىتقا دەيٸن عيمارات بوس تۇرىپ, قولدانۋسىز كەلدٸ.
2016 جىلى حانتاعى اۋىلى ەكٸمٸ اپپاراتى باسشىلىعىنىڭ تيٸستٸ سمەتالىق قۇجاتتاردى جاساتۋىنىڭ نەتيجەسٸندە, "بالالار شىعارماشىلىق ٷيٸنە" جەرگٸلٸكتٸ بيۋدجەتتەن 58 000 000 ملن. تەڭگە قارجى قارالىپ, كٷردەلٸ جٶندەۋ جۇمىستارى جٷرگٸزٸلدٸ.
وسى جۇمىستاردىڭ اتقارىلۋىنا قالا ەكٸمٸ ە.ماقۇلباەۆ پەن قالالىق مەسليحات دەپۋتاتتارىنىڭ تٸكەلەي ىقپالى زور بولعانىن ايتا كەتۋ كەرەك. بٷگٸندە اتالمىش عيمارات اۋىل تۇرعىندارىنا قىزمەت ەتۋ ٷشٸن ەسٸگٸن ايقارا اشتى. ەندٸ بۇل عيماراتتا اۋىل ەكٸمدٸگٸنٸڭ اپپاراتى مەن مەكتەپ وقۋشىلارىنا ارنالعان ٷيٸرمەلەر جۇمىس جاسايتىن بولادى.
