Quralbaev kóshesindegi 5 qabatty 60 páterli úıdiń qurylys-montajdaý jumystary júrgizilýde. Qurylysy byltyr bastalǵan nysan bıyl jyldyń sońyna deıin paıdalanýǵa beriledi. Munda bir bólmeli 10, eki bólmeli 20, úsh bólmeli 30 páter bar. Jobalyq smetalyq qujat boıynsha quny 463 jarym mln. teńge
Kentaý qalasy ákiminiń orynbasary: «Kezekte 2 myń 86 adam turady. Olardyń arasynda az qamtylǵan otbasylar, búdjet mekemesiniń qyzmetkerleri bar. 2020 jylǵa deıin Kentaýda 35 kópqabatty úı salynady dep josparlanýda. Qaraýsyz qalǵan kópqabatty úılerdi satyp alýǵa búdjetten qarjy bólinse, olardy da kúrdeli jóndeýden ótkizip, baspana kezeginde turǵandarǵa úlestiremiz».
Halyq sany 97 myńǵa jetken Kentaý qalasynda bir aýysymda 500 adam qabyldaıtyn emhana men jedel medısınalyq járdem kórsetý stansıasynyń qurylysy bastaldy.
Begaly Arhabaev, merdiger: «Qarjylandyrý kózi oblystyq búdjet esebinen. Qurylystyń smetalyq quny 1 mlrd. 627 mln. teńge. Kesteden aýytqý joq. Barlyǵy talapqa sáıkes júrgizilýde».
