Kentaý qalasynda 8,3 mlrd. teńge kóleminde investitsiia tartylady
Ótken jyly óńirde ónerkásip salasynda 28,1 mlrd.teńgeniń ónimi óndirilip, naqty kólem indeksi 107,2 paiyzdy quraǵan.
– Indýstrialdy aimaqta 2 mlrd. teńgege 8 jobany iske asyrý josparlanǵan. Búginde 2 joba tolyq iske qosylyp, 798 mln. teńgeniń ónimi óndirildi. Qosymsha 2 jobanyń qurylys jumystary tolyǵymen aiaqtalyp, jyl sońyna deiin iske qosylady. Qalǵan 1 jobanyń qujattary saraptamadan ótip, aǵymdaǵy jyldyń I toqsanynda qurylys jumystary bastalady. Nátijesinde 50-ge jýyq jańa jumys oryndary qurylady, – dedi Ábdibaqyt Tillábaiuly.
Qalǵan 3 joba boiynsha óńirlik úilestirý keńesine qujattardy tapsyrý, kelisý jáne rásimdeý jumystary júrgizilýde. Sondai-aq, 3 kompaniia polimetall jáne barit rýdalaryn qaita óńdeý, óńdirý jumystaryn iske asyratyn bolady.
Sonymen qatar, «QR indýstrialdyq-innovatsiialyq damytýdyń 2015-2019 jyldarǵa arnalǵan» memlekettik baǵdarlamasy aiasynda búginde aimaqta jalpy quny 4,4 mlrd.teńge quraityn 5 joba tolyq qýattylyqqa shyǵyp, 5,4 mlrd. teńgeniń ónimi óndirilgen.
Budan ózge, Kentaý qalasynda qazirgi tańda jumys istep turǵan shaǵyn orta kásipkerlik sýbektileriniń sany - 2953. Bul ótken jylmen salystyrǵanda 6,8 paiyzǵa óskendigin kórsetedi.
– Atalǵan salada óndirilgen ónim kólemi 18,9 mlrd. teńgege jetip, 7,6 paiyzǵa kóbeigen. Aldaǵy ýaqytta shaǵyn jáne orta biznes salasynda 136 jobaǵa 422 mln. teńge kóleminde nesie berý josparlanyp otyr. Jalpy osy baǵytta 700-ge jýyq turaqty jumys orny ashylatyn bolady, – dedi Ábdibaqyt Maqulbaev. Aita keterligi, óńirde ótken jyly memlekettik baǵdarlamalardy júzege asyrý maqsatynda qarjy institýttary arqyly 259 mln.teńgege 95 joba qarjylandyrylyp, nátijesinde 150-ge jýyq azamat jumyspen qamtyldy.
OQO ákiminiń baspasóz qyzmeti
https://dalanews.kz/31712
