Byltyrǵy jyly Kentaý qalasynyń ekonomıkasyna 6,5 mlrd.teńge kóleminde ınvestısıa tartylsa, aldaǵy ýaqytta bul mejeni 8,3 mlrd. teńgege jetkizý kózdelýde. Onyń ishinde búdjet qarajaty esebinen - 6 mlrd. teńge jáne jeke qarjylar esebinen - 2,3 mlrd. teńge bolmaq.
«Indýstrıaldy aımaqta 2 mlrd. teńgege 8 jobany iske asyrý josparlanǵan. Búginde 2 joba tolyq iske qosylyp, 798 mln. teńgeniń ónimi óndirildi. Qosymsha 2 jobanyń qurylys jumystary tolyǵymen aıaqtalyp, jyl sońyna deıin iske qosylady. Qalǵan 1 jobanyń qujattary saraptamadan ótip, aǵymdaǵy jyldyń İ toqsanynda qurylys jumystary bastalady. Nátıjesinde 50-ge jýyq jańa jumys oryndary qurylady», - deıdi bul rette Ábdibaqyt Tillábaıuly.
Qalǵan 3 joba boıynsha óńirlik úılestirý keńesine qujattardy tapsyrý, kelisý jáne rásimdeý jumystary júrgizilýde. Sondaı-aq, 3 kompanıa polımetal jáne barıt rýdalaryn qaıta óńdeý, óńdirý jumystaryn iske asyratyn bolady.
Sonymen qatar, «QR ındýstrıaldyq-ınnovasıalyq damytýdyń 2015-2019 jyldarǵa arnalǵan» memlekettik baǵdarlamasy aıasynda búginde aımaqta jalpy quny 4,4 mlrd.teńge quraıtyn 5 joba tolyq qýattylyqqa shyǵyp, 5,4 mlrd. teńgeniń ónimi óndirilgen.
Budan ózge, Kentaý qalasynda qazirgi tańda jumys istep turǵan shaǵyn orta kásipkerlik sýbektileriniń sany - 2953. Bul ótken jylmen salystyrǵanda 6,8 paıyzǵa óskendigin kórsetedi.
«Atalǵan salada óndirilgen ónim kólemi 18,9 mlrd. teńgege jetip, 7,6 paıyzǵa kóbeıgen. Aldaǵy ýaqytta shaǵyn jáne orta bıznes salasynda 136 jobaǵa 422 mln. teńge kóleminde nesıe berý josparlanyp otyr. Jalpy osy baǵytta 700-ge jýyq turaqty jumys orny ashylatyn bolady», - dedi Ábdibaqyt Maqulbaev. Aıta keterligi, óńirde ótken jyly memlekettik baǵdarlamalardy júzege asyrý maqsatynda qarjy ınstıtýttary arqyly 259 mln.teńgege 95 joba qarjylandyrylyp, nátıjesinde 150-ge jýyq azamat jumyspen qamtyldy.
