Kenesary hanǵa qatysty sózderi qoǵamda daý týdyrǵan qyrǵyzstandyq stýdentter Arýke men Edina beineúndeý jariialady. Olar tikelei efir kezinde orynsyz pikir aitqandaryn moiyndap, qazaq halqynan keshirim surady, dep habarlaidy dalanews.kz.
Qyzdar qazaq halqyn kemsitýdi nemese onyń tarihyna qurmetsizdik tanytýdy maqsat etpegenderin aitty.
"Biz sizderden shyn júrekten keshirim suraimyz. Qandai jaǵdai bolsa da, basqa halyqtyń namysyna tietin sóz aitý durys emes. Qazaq halqyn qorlaý nemese oǵan kúie jaǵý bizdiń maqsatymyz bolǵan joq", - dedi stýdentter.
Arýke men Edina tikelei efir kezinde blogerdiń arandatýshylyq sipattaǵy suraqtar qoiǵanyn jetkizdi. Soǵan qaramastan, olar bolǵan jaǵdaidy munymen aqtaýǵa tyryspaitynyn jáne aitylǵan sózder úshin jaýapkershilikti óz moiyndaryna alatynyn málimdedi.
Stýdentter qazaqstandyqtardan bólek, óz otandastarynan, ata-analarynan, ustazdary men tálimgerlerinen de keshirim surady. Olar bolǵan oqiǵadan tiisti sabaq alǵandaryn aityp, mundai jaǵdaidyń aldaǵy ýaqytta qaitalanbaitynyna ýáde berdi.
