Qazaqstandyq kásipker Keńes Raqyshev 1 qyrkúiekte Astanada Fincraft Minerals Ltd. atty jańa kompaniiany tirkedi. Kompaniianyń jalǵyz aktsioneri retinde Keńes Raqyshev kórsetilgen, dep habarlaidy dalanews.kz bes.media-ǵa siltep.
Kompaniianyń negizgi qyzmet túri - holdingtik kompaniialardyń qyzmeti. Jarǵylyq kapitaly - 1 million teńge. Al jańa kompaniia qandai paidaly qazbalardy nemese ken oryndaryn igeretini ázirge belgisiz.
Kompaniiadaǵy CEO, direktor, hatshy jáne ýákiletti qol qoiýshy qyzmetterin Kirill Dovganiýk atqarady. Ol buǵan deiin Keńes Raqyshevtyń Treasure Limited kompaniiasyn da basqarǵan. 2025 jyly bul kompaniia "Taý-Ken Samuryqpen" birge Zhetysu Gold Limited birlesken kásipornyn qurǵan.
Aita keteiik, Forbes Kazakhstan reitingi boiynsha Keńes Raqyshev 2026 jyly Qazaqstandaǵy eń bai kásipkerler arasynda 27-orynda tur. Onyń bailyǵy 402 million dollarǵa baǵalanǵan.
