Ulybritaniia premer-ministri Devid Kemeron marqum ákesi qurǵan ofshorlyq kompaniiada áieli ekeýiniń úlesteri bolǵanyn moiyndady. Premerdiń aitýynsha, óz úlesterin áieli ekeýi 2010 jyly 30 myńǵa jýyq fýnt-sterlingke (shamamen 42 myń dollar) satyp jibergen.
Buǵan deiin Kemeron eshqandai ofshorlyq kompaniiaǵa qatysy joqtyǵyn aitqanymen, buryn-sońdy bolǵan-bolmaǵanyn naqtylamaǵan edi. Ol jalaqysy men jinaǵan aqshasynan túsetin paiyzdyq tabysqa kún kóretinin málimdedi.
Parlamenttik oppozitsiia buǵan deiin premerdiń týysynyń aty "panamalyq qujattarda" atalýyna bailanysty táýelsiz tekserý júrgizýge shaqyrǵan. Birikken Koroldiktiń salyqtar men keden máseleleri boiynsha Qyzmeti de qujattardy muqiiat tekseretinin málimdegen.
Jaqynda jariia bolǵan panamalyq Mossack Fonseca ofshorlyq kompaniiasynyń qujattarynda premer-ministrdiń ákesi - Ien Kemeron 1980 jyldary qurylǵan ofshorlyq qordy basqarǵany, ol qordyń kómegimen aýqatty britandyqtardyń salyq tóleýden jaltarǵany týraly jazylǵan.
