Túrkistan oblysynyń ákimi Ómirzaq Shókeevtiń tapsyrmasyna oraı, shahar 32 sektorǵa bólinip, aýdandar men oblystyq basqarmalar jaýapty retinde belgilengen bolatyn. Osyǵan baılanysty Keles aýdany ózine tıesili 16-sektorda kógaldandyrý jumystaryn júrgizdi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Jalpy, sektor aýmaǵyna 12 kóshe kiredi. Jalpy uzyndyǵy – 9 shaqyrymǵa jýyq. Bekitilgen aımaqqa 8 800 túp aǵash otyrǵyzyldy.

Jasyl jelekti kútip, baptaý úshin mamandar tartylyp, sýarý júıesi júrgizildi. Tórt sý uńǵymasy men 2 transformator ornatyldy. Tamshylatyp sýarý júıesi, 8,7 shaqyrymǵa polıetılen qubyry júrgizilgen. Avtomobıl joldarynan sý júıesin kóldeneń burǵylap ótý tásili qarastyrylǵan. 12000 m3 topyraq tóselgen. Jelden qorǵaý úshin ár tal jippen qorshalǵan. 6000 m2 alańǵa gazon egý jumystary júrgizildi.

Túrkistan qalasyn kórkeıtý, kógaldandyrý boıynsha 2020-2021 jyldarǵa arnalǵan Keles aýdanynyń jumystarynyń josparyna sáıkes, kúndelikti №16 sektorda sanıtarlyq tazalyq, aǵash sýǵarý, jumystaryna 5 tehnıka 48 adam turaqty jumys atqaryp keledi.