Bıyl Qazaqstan polısıasynyń qurylǵanyna 32 jyl tolyp otyr. Osy rette Keles aýdany, Aqtóbe aýyldyq okrýgi №44 «Syrdarıa» jalpy bilim beretin mektebinde el táýelsizdiginiń alǵashqy jyldarynda beıbit turǵyndardyń tynyshtyǵyn kúzetýde eren eńbek etip, İshki İster organdarynda qyzmet atqarý kezinde qaza tapqan polısıa, Esbaev Aldabergen Úsenulynyń esimine berilgen «Polısıa synyby» ashyldy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Synyptyń ashylý saltanatyna Keles aýdanynyń ishki saıasat, mádenıet, tilderdi damytý jáne sport bóliminiń orynbasary Jansaıa Mahanbetalıeva men Túrkistan oblysy polısıa depertamentiniń kadr saıasaty basqarmasynyń bastyǵynyń orynbasary Shamshat Erlan Dáribaıuly, aýdandyq polısıa podpolkovnıgi Murat Abılhanuly, zıaly qaýym ókilderi, Aldabergen Úsenulynyń otbasy men aǵaıyn-týystary qatysty. Jıyn barysynda jas polıseılerge kýálik tapsyryldy.

Ortamyzda júrgen jaýyngerler, beıbit ómirdegi jarqyn isterińizben, qoǵamdyq jumystarda belsendilikterińiz, túrli kásipti ıgerýdegi eren eńbekterińiz Qazaqstan jastary úshin naǵyz erliktiń shynaıy úlgisi bolyp qala beredi.

Aldabergen Úsenulynyń esimimen atalatyn synypta bilim alatyn oqýshylardyń da naǵyz eljandy, isker, jańashyl bolyp qalyptasary anyq.