بيىل قازاقستان پوليسياسىنىڭ قۇرىلعانىنا 32 جىل تولىپ وتىر. وسى رەتتە كەلەس اۋدانى، اقتوبە اۋىلدىق وكرۋگى №44 «سىرداريا» جالپى ءبىلىم بەرەتىن مەكتەبىندە ەل تاۋەلسىزدىگىنىڭ العاشقى جىلدارىندا بەيبىت تۇرعىنداردىڭ تىنىشتىعىن كۇزەتۋدە ەرەن ەڭبەك ەتىپ، ىشكى ىستەر ورگاندارىندا قىزمەت اتقارۋ كەزىندە قازا تاپقان پوليسيا، ەسبايەۆ الدابەرگەن ۇسەن ۇلىنىڭ ەسىمىنە بەرىلگەن «پوليسيا سىنىبى» اشىلدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
سىنىپتىڭ اشىلۋ سالتاناتىنا كەلەس اۋدانىنىڭ ىشكى ساياسات، مادەنيەت، تىلدەردى دامىتۋ جانە سپورت ءبولىمىنىڭ ورىنباسارى جانسايا ماحانبەتالييەۆا مەن تۇركىستان وبلىسى پوليسيا دەپەرتامەنتىنىڭ كادر ساياساتى باسقارماسىنىڭ باستىعىنىڭ ورىنباسارى شامشات ەرلان ءدارىباي ۇلى، اۋداندىق پوليسيا پودپولكوۆنيگى مۇرات ابيلحان ۇلى، زيالى قاۋىم وكىلدەرى، الدابەرگەن ۇسەن ۇلىنىڭ وتباسى مەن اعايىن-تۋىستارى قاتىستى. جيىن بارىسىندا جاس پوليسەيلەرگە كۋالىك تاپسىرىلدى.
ورتامىزدا جۇرگەن جاۋىنگەرلەر، بەيبىت ومىردەگى جارقىن ىستەرىڭىزبەن، قوعامدىق جۇمىستاردا بەلسەندىلىكتەرىڭىز، ءتۇرلى كاسىپتى يگەرۋدەگى ەرەن ەڭبەكتەرىڭىز قازاقستان جاستارى ءۇشىن ناعىز ەرلىكتىڭ شىنايى ۇلگىسى بولىپ قالا بەرەدى.
الدابەرگەن ۇسەن ۇلىنىڭ ەسىمىمەن اتالاتىن سىنىپتا ءبىلىم الاتىن وقۋشىلاردىڭ دا ناعىز ەلجاندى، ىسكەر، جاڭاشىل بولىپ قالىپتاسارى انىق.
